الله ياخذك ياخي طيح طيح إلى متى وأنت ينلعن خيرك وتتسحب فنيلتك وتبقى واقف ؟ عقليته ذي لازم يعدلها .. مثل هذه الحالات تخسرك مباراه تخسرك بطولات .. قدام الستي إنلعن خيرك ولا طحت والحين نفس الكلام .. الحكم بيشوف الكوره تحت سيطرتك طبيعي بيعطيك أدفاندج ويكمل الهجمه .. لازم رافا ينبهه على الشي ذا !



ألف مبروك التأهل للفاينل الأوروبي الثاني ع التوالي .. بطوله في البدايه م كانت ف الحسبان لكن مع تقدمنا بالأدوار زادت أهميه لين صارت الرقم واحد في موسمنا .. تحقيقها يعني إنك بتقابل بطل التشامب في السوبر الأوروبي وهذه بطوله ثانيه ممكن تحققها وتعوض إخفاقك قدام الأتليتكو .. تشلسي بيقابل بنفيكا ف الفاينل .. فريق نعرفه زين وقابلناه ب التشامب الموسم الماضي ب دور ال 8 وتأهلنا عن طريقهم بهدف الوشم ميريليش القاتل وفرحته الهستيريه أمام جمهورهم .. الفريق بنظري نفس المستوى م تغير فيه شي بعكس تشلسي اللي بيختلف عليهم تماماً .. مدرب ونوعيه لاعبين مهاريين على مستوى عالي .. الكفه ترجحنا للفوز والتتويج بالبطوله لكن خوفك من المفاجئات .. ( نرجع للمباراه مع بازل )

الشوط الأول الجميع يتفق على سوءه من جانب تشلسي .. بالنسبه لي م أشوفه ذاك السوء لأن تشلسي وصل ل مرماهم كذا مره وهدد لكن م حالفه الحظ بالتسجيل .. فرصه لامبارد ف العارضه وفرصه موسيس وراميريز كلها وقفت حظ عاثر أمامنا .. هدفهم اللي م كان متوقع بالتوقيت جعل تشلسي يدخل الشوط الثاني بقوه ويكشر عن أنيابه وتسجيل ثلاثيه ب 10 دقايق .. بازل بالشوط الأول م كان ذاك المخيف لكن كان الأمور متوقفه على مستوى تشلسي .. تخدرو بهجمه جا الهدف وزين إنه جا لأن بعده شفنا صحوه من الفريق .. هازارد كان شعله بخط الوسط .. عجبني كثير حذر راميريز ولويز من الكرت الأصفر .. موسيس م كان شغال صح مثل مباراه الذهاب لكن مع ذلك وضع تشلسي بالمقدمه بتسجيله الهدف الثاني .. توريس سجل وصنع على غير العاده .. على قوله أحد المغردين لو يستمر بإحتفاليته اللي شفناها كان بيرتفع مستواه نفسياً وبنشوفه يلعب بأريحيه أكثر ويستمر بالتسجيل .. لويز كالعاده لازم يضع بصمه بهدف خرررررافي .. الكدش تطور كثير كثير مع رافا .. وهذا شي يشكر عليه الإسباني بإكتشافه مركز جديد ل لويز ف المحوريه وإعطائه مساحه أكبر ب التسديد عن بعد وكذلك بالركلات الحره .. لويز حاجه خرافيه ولاعب متكامل .. مستعد يخدمك في أي مركز تبيه ..

مبروك مرتن ثانيه .. موعدنا بإذن الله في 15 مايو مع النهائي في أمستردام .. الله يتمم يارب ونفرح بالبطوله سوى

لقطه ختام



الأماكن كلها ( مششتاقه لك )