نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة عشاق ملوك اوروبا Real Madrid 2012-2013 ||

Madridista-93 · #10120 29/04/2013, 09:43 PM

ريال مورينهو غداً يحتاج عقلية فينجر بالعودة والمنطقية ..
صحيح أن طموح الارسنال يختلف كلياً عن طموح وتاريخ الريال ..
لكن فينجر كان دائماً يتهزأ بالذهاب و بالاياب يرفع راسه ويبقى له هدف بس ! لكن الطموح يختلف ..

ان كنتم تتذكرون ميلان وارسنال 2011 كان الذهاب 4-0 لميلان .. الاياب 3-0 لارسنال وضيع لاعبيه مليون فرصة ..

ما نروح بعيد .. بايرن وارسنال 2013 الذهاب 3-1 لبايرن .. الاياب 2-0 مع وجود عاهات بالهجوم أقوى من العاهات اللي عندنا ..

فريق (محدود الطموح) مثل الارسنال قدر يسويها .. ليه ما نسويها حنا ؟!

طيب كيف نسويها ؟!

1- البرنابيو على صوت واحد .. لا يسكتون لمدة 90 دقيقة ... مهما كانت النتيجة ومهما كان المستوى .. الجماهير لها اليد العليا في اعادة الجيرنتا للفريق ونفخ الروح في أجساد اللاعبين .. طبعاً من 2003 وجماهير الريال صارت تحضر وساكتة 90 دقيقة .. ما فيه الا الالتراس .. وما تتحمس الا بالنهائيات أو بالمباريات اللي يحضر فيها المستوى !! بكرة نبي كل الجماهير هي الالتراس ! ملينا من ان يكون التفاعل في جهة واحدة .. وش الفرق بيننا وبين الافرقة الثانية ؟

2- اللاعبين يشعرون بالعار وبالخطأ اللي اقترفوه ويتكلمون بالملعب .. هذا الشي ماحصل للأسف ، كل واحد طلع لنا بتصريح .. هذا غير راموس اللي طلع لنا بتصريحين في ظرف 5 أيام ! أتفهم انك قائد ثاني للريال .. لكن يجي وقت تكون فيه مطالب بالصمت .. الجماهير صارت تعي إنك قاعد تحاول تبرر للفريق وما فيه أي مبرر ممكن نعطيك اياه ..

3- التعلم من الأخطاء .. ليس العيب يا مورينهو إنك ما تخطأ بل العيب انك تقع فيه مرة ثانية ..
وهذا اللي حدث ! مورينهو وقع في شرك كلوب 3 مرات ! مورينهو بعد المباراة طلع وقال اللاعبين قدموا ولكن بروسيا كان مقاتلاً .. طيب ليه فريقك مو مقاتل ؟؟

.. السبب واضح : الرغبة وعامل الجمهور المخيف !

اللي طمني ولو جزئياً .. تصريح مورينهو اليوم ، قال انه يعتبر فشلي أنا وليس اللاعبين بكذا شال بعض الضغط ! + صرح بنقطة القتالية وان ليفانودسكي ما تدخل عليه لاعبي الريال ولا مرة بالمقابل رونالدو 5 مرات ! وبكذا تطمنت ان مورينهو عاد المباراة وشافها 100 مرة ..

عندي شعور ، اننا راح نقدم كرة قدم جميلة غداً باذن الله .. خرجنا او تأهلنا راح نقدم كرة قدم جميلة وتليق بسمعة النادي .. من اللي أوعز لي ذلك ؟ إن مورينهو ورونالدو من النوادر إنهم ينكسر شوكتهم وكبريائهم مباراتين متتاليتين .. صعبة جدا ! مورينهو من النوعية اللي تتعلم من أخطاءها وما تكابر أو تجامل .. لذلك كان الاستغراب لما رأينا مستوى الفريق ومجاملة بيبي على حساب ألبيول أو ناتشو ! ..

في النهاية .. مررنا بما هو أسوأ ،،
مهما كانت النتيجة غداً ..
لا يعني ذلك أن نترك الريال أو أن يقل حبنا ..
الريال له نكهة خاصة وجاذبية غريبة ، تكمن في أن نعشقه عندما يفوز ..
ونتشبت به أكثر عندما يسقط أو يخسر ..

تحيا مدريد .. وتحيا أرواح المدريديستا !

مرحبا بقدوم خلي .. يوم جاني في محلي
مرحبا و الفين سهلا .. والمهلي ما يولي

-

توقعي الخاص : (2-1) لأحد الفريقين . وان شاء الله تخيب ظنوني