.
السلام عليكم
هاردلك الخسارة امام الالمان و مبروك إستمرار العقدة أمام الجار
الفريق خيّب أمل كل مُشجع من صغير لكبير .. الهزيمة كانت قاسية جداً
بل أكاد أجزم أنها قاسية أكبر على المو بحكم إنها المواجهة الثالثة و لم يفز على دورتموند
4؟ قوية صراحة بس تدري وش اللي يهونها؟ الهدف الوحيد اللي سجله رونالدو
لأن صراحةً 3-0 ما أشوف إنها مستحيلة بل ممكنة جدا و بنسبة كبيرة حدوثها بس لازم تحدث أشياء
الجمهور - النفسية - نسيان مباراة الذهاب - أهم 90 دقيقة يلعبها الفريق من فترة
من ناحية الجمهور النادي قاعد يشتغل على ما أشوف من تحفيز الجماهير سواءً بتعليقات أو غيرها
و من كلامهم إننا راح نشوف جمهور في البرنابيو غييييرر !!
النقطة الثانية و الأهم و اللي مورينهو متخصص فيها كونه خبير في النفس
لازم اللاعبين يعرفون إنها حياة أو موت ، عز أو إهانة ، كل لاعب من الـ 11 اللي بيكون موجود راح يتحمل مسؤلية كبيرة جداً ..
النقطة الثالة ، لابد نسيان مبارة الذهاب و النتيجة الحاصلة هناك
إعتبرها مباراة نهائي ، إعتبرها اللي تبي بس أبي أشوف مستوى و روح
أقسم باللي رفع سبع و نزّل سبع الفريق يقدر يفوز و بفارق 5 مب 3 بس يبيلها شغل و تركيز صح
لعب دورتموند سريع جداً و هذي ميزة لهم و نقطة سلبية لمدافعينا ، تشكيلة الدفاع في الذهاب كانت سيئة
بغض نظر مستوى بيبي ، مسألة لعب راموس ظهير ما تنطاق و غير كذا من زمان ما لعب في هالمركز و تلعبه قدام فريق سريع؟
عودة اربيلوا مهمة في حالة وضع فاران مع راموس فقط !
مودريتش مُهم كورقة رابحة في الشوط الثاني ، مع إني أتوقع بدايته أساسي بجانب ألونسو
التحفيز و الدعم بيكون موجود من الجمهور بلا شك و أيضاً بيكون من بيريز للاعبين و للمو
هدف في أول 30 دقيقة مهم و ما يعني بعدها الفريق ما يقدر يعوض بس بتكون صعبة جداً
عدم مشاركة رونالدو مباراة امس و التشكيك في تواجده الثلاثاء كلام من من مورينهو بلا شك و هو أدرى فيها
3-0 ؟ مب صعبة و ممكن تكون سهله في الحالات اللي ذكرتها
التفاؤل مطلوب دام الفريق عمل أشياء أصعب من اللي نحتاجه هالفترة ، شوية تفائل بس و إن شاء الله التأهل من نصيبنا
أحس لو التأهل بيحضر ، بيكون في الدقايق الأخيرة !! مدري ليه بس نقول إن شاء الله
بالتوفيق . |