نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة عشاق ملوك اوروبا Real Madrid 2012-2013 ||

CR7 2012 · #9191 04/04/2013, 02:04 AM

-

صباح النور

.. الف مبروك الفوز المريح والمطمئن قبل موقعة اسطنبول .. اللي سهل علينا المباراة هو فاتح تريم عمل غلطة عمره وشيئ غريب لمدرب كبير ان يفتح ملعبه في البرنابيو ويترك هـ المساحات لرونالدو ودي ماريا واوزيل والبنز .. واضح ان مورينهو كان عارف ان الفريق التركي راح يفتح ملعبه .. لأنه دخل بـ ايسيان وبنزيما لـ استغلال المساحات .. ايسيان عنده نزعه هجوميه اكثر اربيلوا العقيم هجومياً .. وهيغوين بطيء والأقل مهارياً .. حتى في استغلال المساحات بنزيما افضل .. فـ البدايه استغربت من التشكيله ولكن مع بداية المباراة ومرور الدقائق عرفت ان مورينهو كان صائب في اختياره .. كان ممكن نزيد الغله لولا رعونة دي ماريا ووبقية اللاعبين .. اعتقد ان الهدف اللي جاء فـ البدايه كان نقطة قوه للفريق وساهم بسيطرة الفريق على مجريات المباراة واخذ اللاعبين المزيد من الثقه .. تقيمي لـ اللاعبين .. نبدأ من الحارس

.. ديغو لوبيز كان وحش في الحراسه واتفق كثير مع راؤوف خليف اللي قال انه من افضل حراس العالم حالياً

.. كان وحش انقذنا في اكثر من كوره .. كاسياس مافيه احد يقدر يرجعه لمكانه الى في حالتين .. رحيل مورينهو أو هبوط مستوى ديغو .. ايسيان هاذي هي المباراة اللي تحتاجه فيها يهاجم اكثر من اربيلوا وساعد كثير فـ الهجوم واعطى اسيست خالع في الهدف الثاني .. فاران كان مستقعد للفيل دروغبا وحطه بمخباته مع ميسي وفان بيرسي وبقية اللاعبين

.. كان قوي جداً كعادته .. واعتقد الآن من الصعب انه ينشال من مكانه في قلب الدفاع .. والتنافس بين بيبي وراموس على المقعد الثاني في قلب الدفاع .. راموس كان رائع من افضل مباريات هـ الموسم .. اختلف مع الآخوان اللي انتقدوه .. شفناه رشيق وقوي جداً في الأحتكاكات ويبني هجمات بأمتياز وكتم بلف يلماز اللي كنت متخوف منه كثير قبل المباراة .. الونسو رائع في المباراة كعادته مستواه ثابت من وقت قدومه للريال .. الونسو مهم جداً في تشكيلة مورينهو ولازم ياخذ راحه اكبر .. خصوصاً انه كرف مع مورينهو موسمين ومباريات متتاليه سواء مع منتخب اسبانيا او مع الريال .. حالياً اصبح متفرغ لمباريات الابطال .. لذا اكيد بنشوفه احتياطي في مباريات الليغا .. الونسو زي بيرلو في اليوفي .. شفنا كيف ضغط هاينكس على بيرلو واختفى اليوفي .. واكيد في حال انضغط على الونسو بيختفي الفريق ويصبح بلا شكل .. في هـ الحاله يكون مودريتش مطلب ضروري .. لأننا بنشوف فرق كثيره تلعب على هـ الخطه .. اللي هي الضغط على الونسو .. ومع دخول مودريتش .. راح يتفرغ المايسترو لـ الدفاع ويعطي الأشقر المهام اهجوميه .. وراح تفشل خطتهم

.. اوزيل قدم مباراة كبيره برفقة دي ماريا وخضيره .. كريس صحيح ماقدم شيء كبير في هـ المباراة .. بس المهم انه سجل هدف واشغل مدافعين الفريق التركي كثير .. بنزيما كان رائع .. وايضاً هيغوين كان رائع .. التنافس بينهم بيكون من مصلحة الفريق .. اعتقد بأداء البنز اليوم .. مورينهو راح يثبته في مباريات الابطال .. وانا قلت في نقاشي عن بنزيما وهيغوين ان مورينهو يثق في بنزيما في المباريات الكبيره اكثر من هيغوين

..

تقريباً الفريق وضع قدمين الى ربع على نصف النهائي

.. الفريق التركي بيفتح ملعبه في تركيا وبكل تأكيد راح يكون فيه مساحات مثل مباراة اليوم ... واكيد لاعبينا راح ياكلون المساحات اكل مثل ماحدث اليوم .. الونسو وراموس موقفين .. شي جيد عشان يكونون جاهزين لمباراة نصف النهائي بنسبة 100% .. يلماز موقوف في مباراة الأياب وهـ الشيء بيريح مدافعيننا كثير .. وفيه مدافع كاميروني رقم 13 موقوف .. صراحه هـ المدافع مجنون .. قطع اكثر من كوره واهداف محققه ..

بالنسبه لركلة الجزاء تبع يلماز .. استغرب من الأعضاء اللي يقولون بلنتي صحيح ومافيه جدال

.. الحكم العالمي جمال الشريف يقول مافيها شيء وراموس لعب ع الكوره قبل ما يلمس يلماز ..

تصبحون على خير يا ملووك