إقتباس الرسالة الأصلية كتبت بواسطة (اسير& المحبة ) لللاسف ان البعض يعتقد ان اذا دافع بشده تصل للسب عن الدين انه ماجور وانه ماشي في الطريق الصحيح وانا واجهتم بعضهم هنا وهذه خطا لكن من يفهم في قصه حصلت هنا في نفس المدينه اللي اعيش فيها وتحكي معنى الدين الخلق طالبه سعوديه قدمت امريكا للدراسه ومعها امها وابوها ابوها رجع السعوديه لظروف عمله وسكنت الام البنت مع شابه امريكيه وطلبوا من الامريكيه انها تساعد البنت في تعلم اللغه وانها توديهم وتجيبهم اذا بغوا يروحون وهم يتكفلون بايجار السكن وبالمعيشه طبعا الامريكيه وافقت لانه عرض مغري بالنسبه لها تسكن وتاكل بلاش ولما بدا رمضان شرحوا لللامريكيه انهم بيصومون النهار واذا تبغى تاكل مسموح لها بس هي اللي تطبخ لكن الامريكيه قررت انها تصوم معهم من باب التجربه وبعد مرور اسبوعين من رمضان خلص الفصل الدراسي وقررت البنت وامها ينزلون السعوديه يكملون رمضان ويعيدون الام سوت سمبوسه وثلجتها وعلمت الامريكيه كيف تسويها بعد مارجعوا من السعوديه بعد العيد تفاجات الام وبنتها اان الامريكيه تقول لهم انا قررت اسلم بسبب المعامله الحسنه اللي لقتها منهم وبالفعل جابوها المسجد وعلموها الدين بمساعده المسوولين في المركز الاسلامي ونطقت الشهادتين واسلمت والحين تحضر مع المسلمين في المدينه والمسجد الاجتماعات الشهريه ودايم بحجابها ومتمسكه بالاسلام

حياك الله أسير

الهداية من الله يا صاحبي .. وليس بايدينا سوى الاخذ بالاسباب .. وخيرهذه الاسباب حسن الخلق

ثبت الله تلك المسلمة .. وجزى الله تلك الفتاة ووالدتها كل خير

يعطيك العافية ،،،