فيه أحد عاقل عنده ها الأطخم وراكنه إحتياط ؟ من دخل غير شكل الفريق تماماً ، التشلساوي نفسه اللي كان يتحلطم بعد الهدفين ومجهز مقاله تسفيل بالفريق ب لحظه تفلت وقام يهايط ويبغى الفوز .. رافا حاقها من البدايه ، وش بتخسر إذا بديت فيه من أول المباراه ؟ نفس الكلام على تيري اللي تجاهلك له مباراه بعد مباراه ماله مبرر إلا إنك حاقد عليه ! من تشوف تعابير وجهه وهو بالدكه صاكته الغبنه تعرف إن الموضوع فيه شي .. مو معقوله تعامل رافا مع كابيتانو الفريق ! تيري حتى لو هو بأسوء حالاته تلعبه .. فما بالك وهو جاهز ولا يشكي من شي ؟ سيناريو الهدفين للمانيو تكررت كذا مره والسبب تنظيمك الدفاعي بأول المباراه ، تتأخر بهدفين ولا بهدف وبعدين ترجع بعد معاناه ! وش حادك على رفعه الضغط ؟ من البدايه إنزل ب أشلي وتيري وكاهيل وإيفا ولا أزبي وإثبت بها الخط الدفاعي وماعاد بتلقم أهداف سخيفه مو مضيع الفريق إلا شغل المداوره اللي مب فوقته .. ما أذكر بفتره من الفترات رسينا على خط دفاعي واحد لمبارتين ورى بعض .. بكل مباراه لازم تشوف كوكتيل بالأسماء !

المانيو لعب شوط وشوط سلمه كامل لتشلسي .. كان يمديهم يخلصونها من الأول بالثالث دامهم صملوا بهدفين بأول 10 دقايق .. بس ماتدري وش جاهم هو إرهاق من مباراه مدريد ولا خلاص ضمنوا النتيجه لهم قامو يطقطقون ورى .. بس لخمهم رافا ب نزلة هازارد وميكيل وقدر يقلب عليهم الطاوله وكان يمدي نلقط بطاقه التأهل بس مالله كتب .. فرصه ماتا الأخيره لو جات كان قتلناهم .. لو با مكمل لنهايه المباراه كان الحين متأهلين بس الله ياخذ العاهه من نزل وأنا متشائم وخايف يرجعون المانيو ويسجلون الثالث بعد ! رامي وهازارد نجوم المباراه وبدرجه أقل ماتا ، الأسوء تشيك وأوسكار .. ماش أبو أديلا خنبق بالهدفين مو بالعاده .. وأوسكار مب خوينا الأولي .. كان ودي يسحبه وينزل توريس مهاجم ثاني بدال ماسحب مهاجم راس براس منها نرص المانيو أكثر هجومياً ومنها نشوف شكل فريقنا ب مهاجمين ، كود توريس ينزل عليه تحديث جديد ويسجل هدف لو تسلل

قفله



شفت كل اللي يصير لك ؟ ما تستاهله