ترا السالفه طويله شوي هنا في اخر الليل وماعندي لا دوام ولا شي



مباراة ينتضرها العالم كله ،، وبالتحديد عشاق برشلونه واذكركم لو فاز المانيو نص جمهورهم بيحول على المانيو << تراني امزح لحد يتفلت

مباراتنا معهم بالذهاب كانت جيدة ،، اداء كويس ،، كان ممكن نطلع بنتيجة افضل ،، وبرضو كان ممكن نطلع بنتيجه اسوء لو اليونايتد استغلو فرصهم.

الفريقين كاملين ،، مافيه غيابات ،، الريال مافيه الا كاسياس ومارسيلو ،، واليونايتد اعتقد ماعندهم غيابات ،، وهذا اللي بيحلي المباراة ،، كل فريق داخل باسلحته.

المانيو هذا الموسم مبدعين ومحد ينكر هذا الشي ،، ينافسون على الالقاب ال 3 ،، بالدوري فارق النقاط مريح (+15) ،، بالكاس وصلو ربع النهائي ،، التشامبينز عندهم الافضليه بعد نتيجة الذهاب.

المانيو في اخر 10 مبارايات بالدوري فاز ب 9 وتعادل 1 ،، الموسم هذا كله ما خسر في ملعبه الا في مباراتين على ما اعتقد ،، ضد غلطة سراي و ضد توتنهام ،، وهذا اذا دل على شي فهو يدل على قوتهم في ملعبهم ،، وهذا اللي بيصعب مهمة الريال.

الريال الكل عارف وضعه خلال الموسم كيف كان ،، البداية كان فيها توتر وتخبطات ،، ولكن الحمدلله الوضع تعدل في وقت منااسب.

الكل كان يراهن ان الريال في 2013 راح يتغير ،، وانا واحد من اللي كنت اراهن عليه وبقوه والحمدلله ترتبت الاوراق وبعض اللاعبين رجعو لمستواهم والروح بدت تطلع بالفريق ،، وطلعنا بفوز مهم في الكاس ،، وفوز معنوي بالدوري.

اوضاع الفريقين الحاليه تخلينا نتوقع مباراة قووووية جداااا ،، بس بنفس الوقت صعب اننا نتوقع اي سيناريو.

في مباراة الذهاب محد توقع ان السير بيرجع روني للوسط لمراقبة كريس ،، اللي نجح فيها وما اعطى كريس حريته الكامله. المباراة الجايه برضو ممكن نشوف تكتيك غير متوقع سواء من السير او من المو.



فيه مبارايات تنلعب على جزئيتين ،، شوط لاعبين وشوط مدربين ،، شوط المدربين واللي هو الشوط الثاني ممكن يغير كل شييي ،، يغير لك مجرى المباراة بشكل كامل ،، عاد عندنا 2 من خيرة المدربين ،، السير والمو افضل 2 يغيرون وضع المباراة. اللي بيقدر يباغت الثاني بتكتيك او تشكيلة غير متوقعه هو اللي راح يكسب المباراة ( والله اعلم)

وهذا اللي اتمنى من المو يسويه ،، مايدخل بنفس التشكيلة اللي متعود عليها ،، يحاول يغير شوي. لان الريال قد قلتها قبل واعيدها للمره المليون ( اي فريق ممكن يوقف الريال لان اوراقه مكشوفه) فما بالك انك بتعلب ضد واحد يقرا اللي ما ينقرا




خط دفاع المانيو متكامل ،، بس اللي يعيبه او نقطة ضعفه هي اضهرته ،، ايفرا و رافايل ممتازين بس هم ممتازين بالمساندات الهجوميه اكثر من الدفاعيه.

واما فيرديناند الشي اللي يعيبه كبر سنه والاصابات اللي لعبت فيه ،، نزلت من مستواه شي بسيط ( مع انه الى الان يقدم مستوى ممتاز)

واما فيديتش ،، قريب رجع من الاصابه وبصراحة ما تابعت لعبه بعد مارجع من اصابته بس يكفي اسمه

الريال لازم ينوع ويشكل باللعب ،، يعني مره يهاجم من الجهه اليمين ومره يسار ،، ومره يخترق من العمق ،، ومره يلعب على الباصات الطويله. لان نظام عط رونالدو الكوره وبعدين ربنا يحلها هذي ماراح تمشي على المانيو. لان هم عارفين وين نقطة قوتنا ،، وانا متاكد ان السير قعد يضبط خطه من يوم ما طلع من مدريد الى يومكم عشان يوقف كريس.










الاربعه هذولي اذا كانو بيومهم فا باذن الله الريال بيلقى الحلول اللي فقدها في مباراة الذهاب ،، وان شالله نشوف اهداف وطقطة وسعة صدر ،، والشي اللي يطمنا هو ان المو اراحهم كلهم في مباراة البرسا الاخيره ،، يعني لا ارهاق ولا شي ،، فالمفروض يقدمون افضل ماعندهم ،، لان باختصااااار شديد هذي مباراة الموسم بالنسبة للريال.












الرباعي الدفاعي هذا افضل رباعي موجود بالساحة الاوروبيه فيهم نكبات بس برضو يصنعون المستحيل في بعض الكور ،، براعة فاران في قطع الكور وفراءة المهاجمين + سرعة كوانتيراو في العودة وقطع الكور + القوة الجسمانيه ل بيبي + الروح والحماس في راموس صعب تلقاها في اي خط دفاع بالعالم.

اذا المو بيلعب اربيلوا يمين معناها يا راموس يا بيبي << طلع موب هين فاران ريحهم اثنينهم ،، بس من وجهة نظري اكبر غلطه اذا لعب اربيلوا ،، لان مهما كانت اغلاط راموس وعيوبه فما اتوقع انها تتقارن باغلاط الكابتن اربيلوا نكون واقعيين شوي ،، اربيلوا غلطته فيها هدف 100٪ على عكس راموس اللي نادر ما يغلط في مركز الظهير ،، وحتى لو غلط يرجع يستخلص. راموس وجوده في مركز الظهير مههههم جداااا ،، من الناحية الدفاعيه والهجوميه ،، لان في مباراة مثل هذي بتحتاج انك تدعم دي ماريا بلاعب يسانده وعنده حلول ،، والشي هذا مو موجود في اربيلوا. راموس يعجبك في عرضياته ،، وفتحه للعب ،، وفيه ثقه في نفسه يعرف يدبر على عكس اربيلوا اللي يمسك الكوره ويرجع ورا يدور الونسو





انا بصراحة كل خوفي ان كريس يتاثر ولو صارت فالريال بيعاني من الناحيه الهجوميه ،، كريس لاعب كبير وما ننكر هذا الشي ،، بس الاخوان في المانيو لهم سنه وهم يمدحون فيه ،، وكل يوم طالع لك واحد ويقول كريس من خيرة اللاعبين - كريس افضل لاعب - كريس وكريس ... وهذا بيلعب بنفسيته وبيخليه يلعب وهو ناقصه حماس.

ممكن يطلع كلامي غلط ( واتمنى والله ) بس من اللي شفته في مباراة الذهاب يخلي الواحد يحتار ،، لانه في مباراة الذهاب كان فيه رعونه.


========


من وجهة نظري هذي افضل تشكيلة ممكن يبدا فيها المو


لوبيز

كانتيراو - فاران - بيبي - راموس

الونسو - خضيرة

كريس - اوزيل - دي ماريا

هيقوين