هلا والله
اول شي يعطيك العافية على انكم فتحتوا باب للجماهير انها تشارك وتقترح

اولا: اللوح
مثلا زي جماهير الإنتر في نهائي 2010


انك تكون فيه لوح كبيرة تبدا من المدرجات اللي فوق وتنزل للمدرجات اللي تحت
طبعاً تقدر تسويها بالملك فهد والملز كلها فيها مدرجين فوق بعض

المستفاد من هالحركة انه تصير اللوحة أوضح للي بالملعب وايضا تشكل مظهر جميل
وتسوونها لحظة دخول اللاعبين فقط

ثانياً: الأعلام الجماهيرية




عارف انه تسوونها لكن محد يشوفها اذا هي عند الرابطه
نحتاجها بالواجهة
وأيضا انت تبذلون جهد بتصميم الأعلام وتفاصيل فيها ما تبين الا بالتصوير القريب
نحتاج اعلام بسيطة جدا.. علم نصه ابيض وازرق وعلم فيه الشعار
وياليت تكون كبيرة جدا وتكون أسفل المدرج

ثالثاً: لوح اللاعبين



لوح زي هذي اللي تمسح بعصاتين وتكون فيها صور اللاعبين سواء الحاليين او القدامى

رابعاً: القطع الورقية


سابقاً سويتوا هالحركة وكانت جميله جدا جدا جدا وصبغت المدرج أزرق
وسوتها جماهير النصر بالنهائي واستغربت الصراحة انه جماهير الهلال ما سوتها


خامساً: اعلام السور



هذي كانت حركة جميلة وتميز الجماهير وتخلي المشهد اجمل
وحتى لو نفرض انه منعوكم تدخلون عبارات. على الأقل جيبوا قماش ابيض وازرق مخطط وحطوه ازين من كذا
مثل كذا


أو على الأقل اسم النادي


سادساً: الأجانب



هذي الحركة كانت جميلة جداً وصدقني بتعطي دافع كبير للأجانب اذا شافوا أعلامهم
ما يحتاج بهالطريقة. تقدرون تعلقونها على السور او بين المدرجين اهم شي انها تبين

سابعاً: الأهازيج
ياليت توزعون أعضاء الرابطة بالواجهة ويكون بينهم تلفون بحيث اذا كلمتوا بعض يحمسون اللي حولهم وتسوون حركة معينة
( الزلزال ، رفع الشالات، ترديد اسم الهلال، الخ)

ثامناً: اللاعبين
ياليت اول ما يدخلون اللاعبين ترددون أسمائهم
يعني مثلا رئيس الرابطة يقول ( رقم واحد. عبـــــــدالله) والجماهير ترد (الســــــديــــري)
(رقم اثنين. سلطااااااان) (البيـــــــــــشــــــي) وهكذا
وأتذكر قد سويتوها بحدا المباريات قبل كم من سنة

وأيضا تسوونها اذا لاعب جاب هدف
(ويييييسلييييي) (لوووووبييييييييز) 3 مرات ورا بعض
مثل كذا
Inter Milan v Lazio 2011 San Siro Crowd Goal Celebration Wesley Sneijder - YouTube

السلبيات:

**مرات توزعون على الجماهير قطع ورقية صغيره عليها كتابات او صور
يعني مثلا صورة الملك ومكتوب عليها حمدلله ع السلامة
هذي اذا احد صورها وسوا زوم اوكي تطلع حلوه
لكن من بعيد يطلع شكل قبيح جداً ! لا انت اللي قدرت تقرا ولا انت اللي خليت المدرج موحد لونه وجميل
يطلع تقل مبقع

**حنا نشجع الهلال ما نشجع موبايلي.


الله يرضى عليكم حاولوا تلقون شالات عليها اسم الهلال زي كذا



** الموالات صدقوني صوتها مزعج جداً للي بالملعب واللي يناظر التلفزيون
وما عمرها حمست جماهير
حنا ما نطالبكم بتشجيع الجماهير 90 دقيقة متواصله، بس على الأقل كل ربع ساعه حمسوا الجمهور وخلوهم يقولون على الأقل (يا هلال! .. يا هلال!) لدقيقتين
لأنه لو بنكون واقعيين الجماهير مهيب مغنية اغنية كاملة. فعلى الأقل استفيدوا منهم لو شوي


وكل هذولي اشياء بسيطة وصغيره وما تحتاج جهد كبير لكن أثرها جميل خصوصاً على مدرجاتنا الميتة