السلام عليكم ...

هذه طريقة جربتها وضبطت معي 100%

لكن ما أدري تضبط معكم ولا لأ ... لأنه جاء وقت عجزت اشغل الأشرطة الذهبية وجربت كم شريط وغيرت المحل لكن نفس المشكلة وسويت هذه الطريقة وضبطت معاي 100% ...

أنا أتوقع إنها كانت موجودة بهذا المنتدى ... لذلك إذا كانت موجودة فأنا أعتذر من صاحب الموضوع ... وراح أعيده للإفادة ..

الطلبات :-

1- كوب فيه ماء
2- منظف أذان ((عود وبطرفيه قطن ))
3- سكروب صغير وكبير مثلث أو خط (( مفك مسامير حق مسامير صغيرة وكبيرة ))

الطريقة:-
1- فك البلاي ستيشن عن طريق السكروب الكبير لكن انتبه تشيل الغطاء بقوة بعد ماتفك المسامير لأنه عند جهة الأزرار اللي تشغل الجهاز فيه رابط فضي يربط بين أزرار التشغيل والجهاز فانتبه تشيله بقوة

2- قم بفك الغطاء اللي على العدسة بواسطة السكروب الصغير وانتبه للمسامير لا تروح عليك تراها صغيرة جدا

3- قم بتبليل طرف العود حق تنظيف الأذن بالماء لكن لا تكثر الماء على الأطراف

4- قم بتنظيف العدسة بشكل دائري وبعدين خذ الطرف الثاني وبلله بالماء ونظف العدسة بنفس طريقة الطرف الأول

5- قم بإحضار عود ثاني لكن لا تحط ماء عشان تجفف العدسة من الماء

6- وأخير قم بإغلاق الغطاء حق الليزر وغطاء البلاي ستيشن وجرب أي شريط ذهبيي

7- إذا ماضبط فشغل البلاي ستيشن بطريقة ثانية أي إذا كنت تشغل البلاي ستيشن بشكل أفقي خله على شكل عامودي أو العكس

8- إذا ما ضبطت الطريقة حاول مرة مرتين ثلاث ..

9- ماضبط شيء لا يردك إلا محلات ((قصر الزعيم )) عنده متخصصين على كيف كيفك بس غالي شوي .... يعني الليزر عنده 350 ريال ويضمنها لك ...

هذه الطريقة كاملة وهذاني أحلف لكم والله العظيم إني سويتها وضبطت معي ...
وأي شيء أنا حاضر وآسف على الإطالة وأسأل الله التوفيق للجميع
وجزاكم الله خير أخوكم / زمان الود