الحمدلله ان المباراة انتهت بالتعادل بالنسبة لملعب الريال

مباراة ممتازة بكل المقايس ماعدى الحكم مباراة كانت تستاهل طول الانتظار وقدموا مباراة تليق بسمعة الفريقين .

بس أستغرب جدا من الناس الي يقولون ان الريال يستاهل الفوز ومانشستر لعب دفاعي يعني تقريبا نفس التشكيلة لكل الفريقين

أما بخصوص الهجمات صحيح الريال أكثر هجمات ولكن أغلب كراته تنتهي بجانب المرمى عكس مانشستر

وأما الحكم بصراحة كان سيء جدا للطرفين بالنظر أن الريال استحق ضربة جزاء لدي ماريا ولكن ضغط على لاعبين مانشستر بصورة واضحة جدا صاروا لاعبين الريال يعرقلون وكان الحكم يقول خذوا راحتكم بالأخص اربليوا وكونتراو ولا ننسى عرقلة فاران لانفرادة ويلباك وماقدامه الا الحارس والحكم لم يحتسب شيء هذي فيها طرد لأنه كان منفرد وعند خط ال18 وماقدامه الا الحارس أو على أقل تقدير كرت اصفر ولكن الحكم اراح الدفاع المدريدي بدون احتساب شيء

كل واحد يمكن كسر أو احتسب فاول عليه أكثر من 5 مرات ولكن رافييل بفاول واحد وهو مسك اوزيل على طول اخرج الكرت الأصفر بس كونتراو يمسك ويلباك ويطيحه بالأرض ولا من شاف ولا من درى.

والي يقول مانشستر لعب دفاعي انصحه يشوف المباراة من جديد

1- كورة ويلباك الي ردها ظهر الحارس كفيلة باخراج الريال من المباراة وتصبح النتجية 2-0

2- كورة جاكاوا وابدع حارس مدريد باخراجها للكورنر

3- كورة فان بيرسي الي بالقائم

4- كورة فان بيرسي الي طلعها الونسو وهي وشيكه بالدخول للمرمى

5- كورة فان بيرسي باخر المباراة

وهذي مو كل هجمات مانشستر ياجماعة والله اضحك منهم كيف لعب دفاعي ولهم 8 كورنرات يعني شي عجيب .


ونروح للريال الي سيطر بالمباراة ولكن بدون خطورة تذكر

1- كورة كونتراو تصدى لها دي خيا وضربة بالقائم .

2- كورة رونالدو وتالق بردها دي خيا .

3- كورة اوزيل وكانت سهل بالنسبة لباقي الهجمات .

4- تسديدة كونتراو وتصدى لها دي خيا بكل مهارة واتقان .

وتقريبا هذي الهجمات الي تذكر من نصيب الريال ويمكن نسيت كم هجمة ولكن باقي شوتات الريال تجي خارج المرمى وشفنا عدد ضربات المرمى وصلت ل 6 !!

ويجي واحد مطفي النور يقول الريال يستحق الفوز بفارق كبير