| مايرفع ضغطي الا اذا جو ذولي المطبلين واستلمونا مدح برئيس النادي وتضليل ومحاولة ايحاء اننا مانفهم ومايفهم الاسموه طال عمروه الله يسلموه !!!
ياليت تبطلون تطبيل حتى نوقف احنا نقد ولاتسوون انقسام بهالوقت الحساس ..الرئيس فشل فشل ذرريع بفترته الرئاسيه لم ينجح سوى موسم ونصف فقط!
استلم هلال محمد بن فيصل وهو كامل والكامل وجه سبحانه لكن كان وجود كوزمن اللي هو من اختيار ابوسلطان وعن طريق كوزمن وبأستشارته جا ويليهامسون ونفيز ورادوي ..ماننكر انه جاب قريتس وابدع ايما ابدااااااااع وللحين ولبكره وللابد ماراح انسى جريتس لكن طيب وبعدين؟
تخبطا ا ا ا ا ا ت بيع وشرا عدم حمايه تقولي من مهام المركز الاعلامي اقول لك ومين عين الجاسر؟ اللي عينه يشيله ويجيب الروقي او ابو غيداء يعني ماهوب بعذر مع العلم ان الجاسر كان من جلادين الحالمي قبل توليه المنصب لكن من جاور السعيد يسعد
مين المسؤول عن التفريط بالفريدي وعمر الغامدي!! مين المسؤول عن جلب الجيزاني والكعبي والاستمرار على المرشدي؟
مين اللي جاب لنا مدربين ابو ريالين؟ مين اللي فاوض 26 مدرب وبالنهايه جانا عبقري زمانه كومباريه اللي ضيع علينا (اسيا ونقاط الفتح وهجر والاتفاق والنصر) !!!!! طيب جابه الرئيس وماكان يعلم الغيب.. امنا بالله ..السؤااال ليه عاااند واستمر عليه؟؟من متى واحنا نقوووول شيلووو الغبي كومباريه ومحد رااد علينا؟
على فكره رئيسك الداهيه يقول لو زلاتكو موب موجود ماكان شلت كومباريه لو يكون مايكون!!
بالله هذه عقلية رئيس يبي النجاح لفريقه واستدراك الاخطاء والا واحد يبي يعاند وبس!!
الله المستعان ضاع الكلام!
على فكره انت تقول اننا مانراعي ظروفه وكذا
ياخووي الله يشفي الامير مساعد ويلبسه ثياب الصحه والعافيه لكننا ماجبرنا الرئيس يستمر!!
خلاص خله يتفرغ لوالده ولظروفه ومصالحه وتويتره ..اذا رئاسة الهلال مرهقه ماديا ومعنويا وصحيا على قولة اخوه ترا محد جبره يجدد الرئاسه والا ضحك ع الدقون؟ يقول استمريت لان محد ترشح !! ههه شر البيله مايضحك
انا انصح سموه ان يقدم خطاب استقالته وليس مشاورة الامير بندر بن محمد عبر الفضائيات!!
طبيعي بندر بن محمد راح يقول نرفض الاستقاله طبيعي جدا لانه مايحب الله يسعد قلبه ان تظهر اختلافات الهلاليين عبر الاعلام ..خلوه يقدم استقالته نهاية الموسم بشكل(جدي)!! وراح يشووف بأم عينه ملفات الترشح تنهال على رئيس اعضاءالشرف .
عمر الهلال ماوقف على رجل لو وقف كان وقف من بعد وفاة روحه وقلبه النابض سمو الامير عبدالله بن سعد طيب الله ثراه ورحمه رحمه واسعه...
انا مااكره الامير ابن مساعد لشيئ شخصي لكن اكره سياسته في ادارة النادي
اتمنى التغييير لا اكثر
واتمنى الابتعاد عن الاطراء له بالوقت الحالي لانه وبكل امانه ماسوى شي يستحق عليه الاطراء صفقاته الاخيره مثل صفقات الفقر والشباب مافي تميززز
اذا بتمدحونن امدحوا المدرب زلاتكو ونجوم الفريق لانهم هم من بحاجة تحفيز
وشكر.ا  | 