الصراحه وبدون مانكذب على بعض الاداره ماعندهم شي يقدمونه
المدرب جاي يسوي تجارب علينا وبنهاية الموسم راح يروح لفريق ثاني وراح تشوفون كلامي
اللاعبين المتخاذلين امثال العابد والي منتهيه صلاحيتهم مثل المرشدي والزوري والبيشي ونامي هم الي راح يدمرون الفريق
الحلول : يبغالنا قلوب دفاع محلي واجنبي
ياسر الشهراني يلعب مركزه الاساسي ظهير ايسر
والبيشي الله يعين نصبر عليه لنهاية الموسم ونشوف غيره
المحاور مانحتاج الا محور اجنبي لأن عندنا الفرج والقرني من افضل المحاور
الاجنحه سالم الدوسري بدأ يستوعب الدرس ويرجع لمستواه
عبد العزيز الدوسري ونواف العابد يبغالهم درس مثل درس سالم
الشلهوب المفروض اساسي من بداية المباراه
ونحتاج صانع لعب مو جناح صانع لعب مثل نيفيز والتايب يتفرغ لصناعة اللعب مو هو يدور احد يصنع له
المهاجمين اعتقد ياسر وويسلي والسالم وسعد يكفون مع ان الكوري جيد لكن مانحتاجه
ونحتاج ان الاداره من الحين تبحث عن مدرب مميز قبل نهاية الموسم واذا انتهى الموسم نوقع معاه لأن كمبواريه ماراح يفيدنا
نبغى مدرب قوي شخصيه وعنده تكتيك وياحبذا لو يكون برازيلي الاوروبيين ماراح ينجحون معانا كثير
واتمنى لو نجرب المدرب الوطني سواء سامي الجابر او القروني لأنهم من افضل المدربين واراهن عليهم راح يقدمون مستويات مميزه
الي يتفق معي لايك والي مايتفق لايك >>كيفي