وصلنا لـ لقاء المان كثير لكن بهالرّتم من فترة طويلة ما وصلنا لملعبهم بهالوضعيّة وبهالكيفيّة .. التطور الكبير بالمستوى مايعني إننا قدام مسألة سهله ومحسومه .. المان بسنوات كثير يكون سيّء ويطلع بدوري أو بأحد البطُولات .. بنظرة بعيدة جاهزيّة ليفربول لهالمباراة مفصلة تماماً .. مستويات الأخير بآخر المباريات فيها كميّة من السوء وخصوصاً على الجانب الدفاعي .. مهما وصل له من رقم تهديفي و ريكورد للفوز يبقى يعاني من مشاكل كثيره أبرزها نقطة يتميّز بها " ليفربول " عن الخصم .. وهي منقطة الوسط .. بنظرة سريعة على المباريات الماضية .. سرعة وسط ليفربول بنقل الكورة تميّزنا بالتفوق على هالمنطقة الضعيفة اللي يعاني منها مانشستر بالإضافة إلى غياب روني تعني ارتداد المان الهجومي و الدور الدفاعي والمجهودات اللي يقدمها تعطي إضافة كبيرة لـ ستيفن جيرارد و لوكاس ليفا أريحيّة بـ مبادرة بدور هجومي .. إختيار العناصر المُفيدة بهالمباراة مطلب كبير لابد يكون برندن دقيقة بهالمسألة .. من الناحية الهجوميّة النوعيّات كثير وعديدة .. نبعد عن التفكير من راح على رأس الهرم " سواريز أو ستوريدج " بالترشيح الأوّل مطلب جدّاً يبدأ به كـ مهاجم .. سواريز يجيد كثير من المراكز لكن قربه من صندوق الخصم يعطي إضافة أكبر لـ ليفربول من الطرف وربطه بـ أدوار هيندرسون إحتمالية تواجده خلف المهاجمين مطلب .. سرعته و الدور الدفاعي اللي يقدمه يخدمك بمثل هالمباريات جودته كانت عالية بفترات كثير من الموسم ( أودنيزي - كيو بي آر ) بالتحديد كان دوره فعّال ..
بداية السيزن ليفربول كان يعتمد على ثلاثي بطيء بالوسط كان يجيد مسألة تبادل الكرات وكانت خامات تخدمك فـ تدوير الكورة لكن بالجانب الدفاعي ضعيف جدّاً ( شاهين - جيرارد - آلين ) من خلال هالأسماء وإعطاء جيرارد الدور الهجومي الأكبر كان سبب رئيسي بـ ضعف الفريق بالناحية الدفاعية للفريق بشكل عام .. هالنقطة تحسب لـ برندن و إختياره للثلاثي وتبديل الأدوار واستقر بالنهاية على " هندرسون " .. تصاعد المستوى فالجانب الدفاعي واستعادة الكورة اشتغل عليه الفريق بالثلاث جولات الأخيرة .. بمثل هالمباراة أنت تحتاج مجهود كامل طوال المباراة ويتوزّع على مرحلتين " هجومي و دفاعي " تجاري اليونايتيد بـ ملعبه وبسرعة أطرافه وقوّة هجومه محتاجه إعتماد كبير على ثلاثي مُجتهد وبأتم جاهزيته .. ( داونينق - سترلينغ ) توظيفهم وتوزيعهم بأجزاء الملعب على حسب النهج اللي بيتّبعهم .. داونينغ وإيقاف أدوار إيفرا الهجوميّة المتطورة بالمباريات الأخيرة واستغلال هالثّغرة بكل أمانة " داوني " عامل مهم ومستواه متطور كثير وخدمنا بشكل كبير .. سترلينغ أبداً ما تفاءلت فيه وبهبوط مستواه ومافيه إلّا هو خيار أوّل متاح بحكم عدم جاهزيّة ستوريدج لمثل هالمباريات .. الجهة اليسرى أكثر جهة فعّالة كانت بالموسم كامل .. بسبب دور انريكي الهجومي وربطه بالجناح المقابل له أو في فترات بـ الظهير بالجهة اليسرى وكانت عاملة فارق كبير ومساعدنا بشكل كلّي على التنويع بالجهات .. الآن " جونسون - ستيرلنغ " الأوّل إضافة كبيرة فالمسائل الهجوميّة وقليل جدّاً يستفاد من ثنائيته برحيم .. وتكون تعتمد على جهود فرديّة أكبر من جونسون .. نرجع لمباراة الذهاب و شغل فالنسيا ورافييل على ضعف جونسون وستيرلنغ ولقطوا منها هدف و بلنتي وخلصوا على المباراة .. ببساطة هذا اسوأ سيناريو مُمكن تتخيله لمّا تلتفت للجهة اليسرى ..