الموضوع: Master League Offline | PES 2013 | شروحات - نقاشات - استفسارات - استعراض النتائج
مشاهدة مشاركة بصفحة مستقلة
  #8  
قديم 30/12/2012, 12:27 PM
الصورة الرمزية الخاصة بـ مهند حسن
مهند حسن مهند حسن غير متواجد حالياً
أرسنالي مخضرم
من كبار محللين العالميّة
تاريخ التسجيل: 01/10/2005
المكان: حفر الباطن
مشاركات: 1,992
إقتباس
الرسالة الأصلية كتبت بواسطة мя.єтiкaтє
يعطيك العافية مهند على التفاعل وماشاء الله عليك وصلت بعيد
وهذا المدافع الأساسي في فريقي حاليا قوته 78 وفي تطور مستمر


لا شكر على واجب هذا اقل شي الواحد يسويه تفاعل مع الموضوع الجبار هذا


يلا باحكي لكم عن مشكلتي الاقتصادية وممكن القى عندكم حلول

طبعا قبل لا ابدا صح اني قايل لكم صاك اليوفي 5-0 ذهاب في ايطاليا لقيت نفسي غلطان لاني صاكه 9 -0 الفريق طبعا كملت الموسم واخذت كل البطولات النهائي لعبت مع توتنهام وفزت عليه 8-1

طبعا الفريق مدمر وياكل الاخضر واليابس .. بس تراه يخرب مستواك يعني اذا اتعودت عليهم ترجع تصير تلح في الفرق العادية منشان هيك احاول العب في الماستر شوي ثم اروح اجيب بطولة بمنتخب عادي في كاس عادي اخرها كاس اسيا مع اليابان

نرجع للمشكلة الاقتصادية اللي اتوهقت فيها

من الاصدار اللي راح وانا واكيد انتو تعانون من هالشي اللاعب في بدايته وقوته في السبعينات وعمره صغير يوقع معك 5 سنوات براتب في حدود 300 الى 700 الف وهو مبلغ معقول يتطور مستواه ويجي يوقع عقده الثاني بحول 6 - 9 مليون يتطور ويوصل ابعد الحدود وقمة الانتاجية ويجلس يوقع ب 20 مليون و23 مليون ويلعن ام الميزانية والاواحد صراحة يحز في خاطره بعد ما يربي اللاعب ويطوره يبيعه للخصوم بارده مبرده

يوم بديت كان مجموع رواتب اللاعبين السنوي حول ال 100 مليون ومع حوافز البطولات ودعم الداعمين وفي شي خاص جديد اسمه marchindas sale

ما عرفته وشو صراحة لكن بداية المواسم كانو يعطوني دعم على مرحلتين كل مرحلة يمكن حول ال100 مليون وكان فائض الميزانية خيالي

هالحين مع مرور الزمن مجموع الرواتب السنوي صار 355 مليون وهالجهة اللي تدعم على مرحلتين صارت تعطيني 3 مليون بس ما ادري ليه رغم اني مقدم مستوى جبار ومكوش على كل البطولات المفروض الدعم يزيد موب ينقص .. المهم اذا اني استمريت على هالمنوال بعلن افلاسي بعد موسمين على الاكثر لان المداخيل ما تغطي المصاريف

حطيت كم لاعب كبير في السن على قائمة الانتقالات وحتى الان بعت بوسكيتس ب 55 مليون لل بي اس جي .. طبعا تستفيد بيعته والتخلص من راتبه العالي .. امبروزيني الله يطول لي بعمره عمره 19 سنة وقدراته 91 طالع اعارة موسم واحد فقط لزينيت الروسي ب 20 مليون << مطخطخين ذا الروس

لكن ايضا الفريق ماشي الى مرحلة الفلس ... احد الحلول صراحة اني اقلص عدد الفريق يمكن الى 18 لاعب فقط وهذا حل بس اني احب اجمع لعيبة واجدين حتى لو ما لعبتهم

اي مستجدات بارجع لكم في انتظار تقاريركم ومقرتحاتكم لحل معضلة الافلاس هذي

فتكو بعافية