إقتباس الرسالة الأصلية كتبت بواسطة a_m_t . مورينيو فشل بإعادة الحافز للفريق ! الموسم له تقريبا 4 اشهر وتصريحه الشهير بانه لا يملك فريق كان قبل بداية الابطال ! معقولة كل هالمدة لم تكفيه لشحذ همم اللاعبين خصوصا بعد مباريات كان من المفوض ان تكون نقاط تحول مثل السيتي 3-2 وبيتيس 3-2 وليفانتي 3-2 ! المشكلة ان البعض يقول نركز بالابطال ! طيب لو قابلنا بايرن أو مانيو أو حتى اليوفي بال 16 وش مصيرنا ؟ مستوى الفريق حتى الآن خارج البرنابيو مخيف ! بالابطال خسرنا من دورتموند وتعادلنا مع السيتي !! أما الكأس فالبرشا بينشب لنا بنص النهائي ! ومع الأسف فارق الـ 13 نقطة يزيل الضغط من البرشا و يعني أنهم بيكونون قادرين على الراحة بالدوري عشان الكاس والابطال ! ما كنت متوقع أبدا أني أقولها ، لكن في حال -لا سمح الله- خسرنا الابطال فتغير المدرب ممكن يكون ضروري نهاية الموسم !! .

هلا اخوي a-m-t ،، ودي اعلق على كلامك شوي اذا تسمح لي ،، بالنسبة لتصريح مورينيو في بداية الموسم هذا كان من داعي التحفيز ،، مرات الواحد يقول شي عشان يخليك تطلع اللي عندك ،، نوع من انواع الشحن المعنوي ،، مثلا: لو جيت تلعب مع واحد بلاي ستيشن بتقوله والله ماعندك سالفه تعال ارقعك تلقاه يجيك متحمس ويبي يطلع حرته ،، ادري انه تشبيه سخيف بس انا احاول اوضح لك اللي اقصده.

هو كان تصريح قوي ،، خصوصا وانه عندك لاعبين على مستوى عالي ،، وما كان مفروض يقولها. بس بنفس الوقت ما نحط اللوم كله على مورينيو.
المو له سلبيات اكثر من الايجيابيات في هذا الموسم ،، وحده من السلبيات هي عدم اعطاء كاكا الفرصه ،، وانا من زمااان وانا دايم اقول ان كاكا لازم يعطى فرص اكثر ،، بغض النظر اذا هذا اخر موسم له او لا ،، بس فيه مرات راح تحتاجه فيها ،، وهذا اللي حاصل الحين ،، غياب بنزيما وهيقوين حط مورينيو في موقف محرج واجبره على اسامي معينه.

ووحده من السلبيات اللي انا اشوفها برضو هي عدم تنويع الخطط ،، صار اي خصم تلعب معه حاااااااافضك حفففففظ. التنويع مهم جداااا ،، يصير خصمك مايقدر يقرا طريقتك وماراح يقدر يعتمد على خطه معينه. الحين اي فريق يلعب مع الريال تلقاهم ضغط عاااااالي على الونسو و اوزيل ،، تنقطع الكوره هجمه مرتده ،، قوول ،، وبعدين قفل. والمشكله انها صارت كثيييييير.

بس نرجع ونقول ما نحط اللوم كله على المو ،، لان المدرب وظيفته الاساسيه هي وضع الخطط والتكتيك ،، بس اذا جاك كم لاعب ما قدم اللي عنده ولا تحس انه يلعب بحماس ،، هنا نقول اللوم على اللاعب وليس المدرب. يعني اقربها اليوم ،، شوف يوم اوزيل و دي ماريا يوم لعبو وطلعو اللي عندهم صرت تحس ان الفريق بدا يمتعك.
الحين الفريق اذا لعب ،، تشوفهم يلعبون على الواقف ،، محد يتحرك ،، كل الكورات لازم يرجعونها ل الونسو ،، يعني نظام ( خذ الكوره يا الونسو ودبر عمرك !!!! ) محد صار يعرف يفتح لعب ،، غياب مارسيلو اثر كثيييير ،، لان هو الوحييييييييييييييد اللي يعرف يتحرك صح.

اما بالنسبة لدوري الابطال ،، انا عندي احساس ان الريال بيقدر يحققها ،، لانه خلاص خسر كل شي تقريبا ،، ما عنده الا هي ،، فكل لاعب بيطلع كل اللي عنده في هذي البطوله.

كلامك صحيح يوم تقول ان البرسا بفارق النقاط الكبيره راح يكون مرتاح ومعنوياته عاليه ،، بس لو نحسبها صح ،، الريال برضو راح يكون مرتاح ،، لان في كل مباراة بيلعبها في الدوري بتكون مباراة "للطقطقه". ماراح يكون فيه عليهم ضغط لانهم عارفين ان الدوري خلاص باي باي.

الريال لو رجع لمستواه ،، انا اقدر اقولك انه بنسبة 99٪ راح يفوز بالبطوله باذن الله ،، مو ناقصنا شي ،، مدرب وعندنا مدرب من افضل مدربين العالم "هذا اذا ما كان افضلهم" ،، لاعبين وعندنا افضل لاعبين من الناحية المهاريه او الجماعيه ،، موب ناقصنا الا الروح والمعنويات العاليه.

اخر شي احب اقوله ،، خسارة الدوري من وقت بدري شي والله يضيق الصدر ،، بس انا شخصيا ماعندي اي مانع اننا نخسره ،، خصوصا بعد الموسم (الاستثنائي) ،، وهذا حال الكوره ،، يوم لك ويوم عليك ،، وبما اننا الحين قاعدين ناسس فريق لسنوات طويله ،، هذي ان شالله تكون احد الدروس اللي يستيفيدون منها.

ومعليش اني طولت