09/12/2012, 10:29 PM
|
 | أرسنالي مخضرم
من كبار محللين العالميّة | | تاريخ التسجيل: 01/10/2005 المكان: حفر الباطن
مشاركات: 1,992
| |
مبروك لعشاق المانيو وهاردلك عشاق السيتي
ديربي اوفى بالوعود ... حماس من اول دقيقة الى اخر دقيقة .. متعه متعه متعه .. واحلا شي تتابعها بعين محايدة ... وبعدين تقنع نفسك  ان فاز المانيو تقول اوكي خله يحطم رقمهم على ملعبهم وان فاز السيتي تقول اوكي خله يقلص الفارق عشان المانيو لا ينحاش بعيد .. وان تعادلو تقول اوكي لانهم اتعطلو مع بعض .
اذا ابغى اتكلم عن الحكم .. اقول شوف عشاق المانيو يقولون انظلمنا وعشاق السيتي يقولون انظلمنا .. هذا يعطيك مؤشر كبير ان الحكم لم يكن مسيطر على المباراة نهائيا واذا ابغى اقيمه بعطيه 2 من 10 ... غمض عينك بس واتذكر احداث المباراة له اكثر من 20 خطأ وعكس حالات ع الفريقين.
الشوط الاول .. السيتي بدا المباراة صح .. سيطر على الكرة ووصلت نسبة استحواذه الى 80% .. اعتقدنا ان المباراة تسير في صالحه .. حتى اتت (الشرارة) .. اعني بالشرارة حدث يحدث اثناء المباراة يعطي الفريق افضلية كبيرة على خصمه فتجد خصمه تائه للغاية بينما هو مسيطر على الملعب بالطول والعرض ... تذكرون مباراتنا مع توتنهام كيف كان ارسنال متنح واستقبل هدف مبكر وانضغط واتبهذل والشرارة التي قادته للخماسية كانت طرد الاديب .. شرارة اليونايتد بدأت مع هدف روني الاول .. طبعا ما ادري ليه جايني احساس ان جو هارت لو اجتهد شوي كان صادها صحيح زاوية صعبة .. لكن الكورة ماشية بسرعة نص متر في الساعة .. بعد هدف روني ضاع السيتي وراينا مانيو مسيطر تماما على اجواء اللقاء .. الحق الثاني بالاول من جملة تكتيكة رائعة .. المانيو كان مستخدم تكتيك دفاعي مذهل .. حال امتلاك سيتي للكرة كان الجميع يرجع ويساند الدفاع فالنسيا يساند رافائيل ويونغ يساند ايفرا .. وروني يضم مع كليفرلي وكاريك في عمق الملعب ويبقى الفان وحيدا في المقدمة مع الضرب بالمرتدات .. لو استمر المانيو على هالمنوال الشوط الثاني كان ممكن يزيد الغلة ... وما ادري ايش اللي خلا السير يفك الملعب في الشوط الثاني .. اللي صحصح فيه السيتي .. اتمنيت يقلص الفارق منشان نشوق متعه وهذا اللي حصل بعد هدف يايا .. المباراة احلوت كثير .. تيفيز دخوله حرك السيتي بصورة رائعه .. لا ارى مبرر لتفضيل بالوط على الارجنتيني .. تيفيز مؤثر في اداء السيتي بصورة كبيرة جدا ... بعد هدف التعادل للسيتي .. ودخول ويلباك ..ودخول دجيكو انفتحت المباراة على مصراعيها .. وكان اي نتيجة ممكنة .. احتاج اليونايتيد لابداع الفان ليتحصل على الثلاث نقاط وهو يستحقها.
مبروك المانيو .. هاردلك السيتي
البريمير ليغ 
فتكو بعافية
|
