مبروك الفوز ،، الاداء ابدا ماكان مقنع ،، بس الاهم هو ال 3 نقاط وبداية لعودة اوزيل لمستواه. بصراحة اهنيه على الاداء الفردي ،، سواء كان من مراواغات او الضربات الحرة اللي بدا المو يعتمد عليه فيها اللي تكون من الناحية اليمنى.
اما بالنسبة لنجوم المباراة فانا استغرب على اي اساس عطو بنزيما 8 !! انا ما اقول انه مالعب ،، بس مايستاهل 8 بصراحة. لو فيه احد يستاهلها مع اوزيل هو كاليخون. واما بالنسبة ل الونسو ،، 7 !!! هذي وحده من اسوء مبارايات الونسو !! اذا ماكانت اسوئها ،، واضح عليه انه مو في المستوى. وهذا شي طبيعي طبعا ،، اي لاعب بتجيه اوقات بيكون بعيد عن مستواه ،، بس التقيم ابداا مو في محله. وبالنسبة للمو اهنيه بصراحة عرف كيف يتعامل مع الضروف الصعبه كبير يالمو

بس فيه اشياء المو لازم يراجعها ويحسب لها حساب. واللي هي ،، اولا: الحين اتوقع نقاط ضعف الريال صارت معروفه عند الكل ،، وكل خصم يلعب مع الريال صار يعرف كيف يجاري (نجوم) من درجة اولى ،، واللي محد كان يتوقع ان نجوم مثلهم فيه احد ممكن يوقفهم !! صار اي فريق يلعب بطريقة دفاعيه بحته الريال لازم يعاني ويبدا اللعب العشوائي. يعني اليوم بصراحة ربي ستر ،، لولا الغلطه الدفاعيه للهدف الاول ومهارة اوزيل لكان بيصير شوط كارثي . واللي استغربه اكثر ،، اكيد ان الموعارف بهذا الخلل ،، ومو راضي يلعب بتشكيلة هجومية بحته. يعني انت تلعب مع انديه والله ماتجي ولا ربع مستواك ،، ياخي خلص على المباراة في نص ساعه وبعدين ارجع العب بالخطه اللي تبيها. انا لو من المو << ماخذ مقلب ابلعب ب 3-4-3 ،، يعني انت عارف ان التكتل الدفاعي بيصير ،، اجل ليه ماتكثف وسطك بحيث انك تعطي حلول سواء كانت على الاطراف او العمق. يعني لو يجرب هذي التشكيلة

كاسياس

كوانتيراو - بيبي - راموس

ايسيان

الونسو - مودريتش

اوزيل

كريس- بنزيما - دي ماريا

يعني ايسيان يغطي على الونسو وبيخليه يتحرك على راحته ،، وبرضو بالحالة هذي مودريتش واوزيل بيكون عندهم حلول اكثر وماراح يصير عليهم الرقابه اللي ماتخلي الواحد يتنفس. طبعا بالحاله هذي انت بتجبر الخصم انه مايتعدا نص ملعبه. اما اذا صار الريال بالحاله الدفاعيه يتحول ايسيان للضهير الايمين،، اللي سبق ولعب فيه ايام تشيلسي ،،وراموس يرجع قلب ،، وبكذا ترجع تشكيلتك الطبيعيه. يعني نكون واقعين ،، اربيلوا مافادك على كثر مانكبك ما اتوقع ان الدفاع بيعاني بدونه

اما بالنسبة للخلل الثاني ،، والكل عارفه الكرات الثابته ،، حتى اني دايم قبل اي مباراة اقول ان كان الريال بيتسجل فيه فبتكون عن طريق كرة ثابته ،، وهذا اللي صار اليوم مرتين !!! وانا مدري الى متى بنصير نعاني من هالمصيبه !!

عموما معليش طولت عليكم ومبروك الفوز وعقبال تعثر البرسا