نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة عشاق ملوك اوروبا Real Madrid 2012-2013 ||

المخاطر _99 · #5871 09/12/2012, 12:35 AM

إقتباس

الرسالة الأصلية كتبت بواسطة Kun Agüero 16


	الماركا راهنت و راهنت و راهنت على خروج مورينهو نهاية السنة ذي ! و تبي الصصدق أنا أثق ف الماركا , بسبب نفوذها و مصادرها داخل النادي .. نتمنى عكس ذلك لكن كل الأوضاع حول مورينهو تبين أنه ماهو مرتاح .. صح يقدم عمل جيد .. لكن يواجه ضغوط من المدريديين نفسهم .. وهذا اللي خلاني أيقن و أثق فالماركا * لكككن سؤالي : الأنتخابات للرئاسة متى ؟ [/CENTER]

اول شي لازم نفرق بين ماركا 2010-2011 فما قبل ،، وماركا 2012 الى اليوم ..

- الماركا قبل نهاية الموسم بالتزامن مع الآس وضعوا بنرات عريضة عن انتقال مورينهو المؤكد الى الدوري الانجليزي نهاية الموسم .. وحتى جابوا صورة له في لندن ومسوين شغل على أساس أن آخر موسم للمو كانت 2011 .. والنتيجة بعدها بأيام ( سكاي البريطانية ) تنشر خبر عاجل وحصري : المو يجدد الى عام 2016 ! ضربة موجهة لصحافة الاسبان .

- حسب الاخبار مورينهو اشترط ثلاثة أو اربع شروط لتجديد العقد ،، اذكر منها بناء معسكر داخلي للفريق ( يعني مثل معسكر هذلول

) بدل الفندق .. والأهم ايقاف تسريبات الاخبار الى الصحافة بشكل تام .
الماركا والآس يعتمدون بشكل شبه كلي على الاخبار الخاصة والداخلية للريال ، والريال فاجأهم بقطع التمويل بأمر مورينهو .. وش تتوقعون تكون ردة فعلهم ؟ الماركا والآس شركات ماتعتمد على حب النادي ،، اعتمادها على مصالحها وحجم مبيعاتها وكونك تحجب عنها أشياء وهي من كانت تقرر عزل المدير الفني وحتى الرئيس فهذا أمر غير مسبوق وغير مقبول اطلاقا للاسبان .

- لاحظوا اخبار الماركا هذا الموسم ،، كم اشاعة ؟ كم محاولة لهز ريال مدريد من الداخل ؟ اغلب عناوينها كانت بحث عن مشاكل الريال لنشرها اعلاميا والضغط على المو . ومورينهو كان متجه للاعلام الاجنبي ( ماله اي تصريح في اي قناة أو صحيفة اسبانية ،، كل تصاريحه في السي ان ان ،، بي بي سي ،، سكاي ،، ابولا البرتغالية .... الخ ) وفي المؤتمرات كان احيانا يستبهل ويمسك له صحفي يهزأه مثل ما صار في آخر مؤتمر مع صحفي الآس :

- الماركا كانت تقول فيه خلاف بين مورينهو وبيريز ،، مورينهو قال علاقتي مع بيريز ممتازة جداً جداً جداً جداً جداً جداً جداً جداً وبعدها بأيام صحيفة ابولا البرتغالية نقلت تصريح لبيريز : مورينهو سيبقى في الريال الى نهاية عقده 2016 على الاقل . !! وبعدها اختفت اخبار خلاف مورينهو مع بيريز فجأة

- بالنسبة لقضية رحيل مورينهو ،، الخاسر الاكبر هو النادي ومشروع بيريز لبناء فريق الاحلام ،، لأننا راح نخسر أفضل مدرب في العالم ونخسر الاستقرار وممكن نخسر لاعبين . وما اتوقع بيريز بهذا الغباء ليفرط بأهم عنصر في المشروع ومثل ما سماه ( مورينهو حجر الأساس للمشروع ) !

- الامر الثاني : قيمة فسخ عقد مورينهو 60 مليون يورو .. من بيدفعها ؟

- الامر الثالث : مورينهو حتى في الانتر كانت اخبار خروجه من الفريق تطلع للصحافة لكن ما كان ينفي ،، بعكس اللي صاير الحين ومع كل النفي كل شوي تطلع الماركا بتلفيقة وخبر وصعب ينشغل المو فيهم وفي اخبارهم !

- بيريز راح يقدم مشروعه للانتخابات ومستحيل يفرط بملفه الانتخابي بخسارة مورينهو ( وممكن بعض اللاعبين المؤثرين يرفضون التجديد ) !