|
الاهلي يفاوضون هذا البرازيلي فلنرد لهم الصفعه من ملاعب اوكرانيا
دخلت ادارة النادي الاهلي في مفاوضات جاده مع لاعب برازيلي في مركز صناعة اللعب ويلعب الآن في الدوري الاوكراني في فريق خاركيف واسم الاعب (كلايتون اكزافير) وتعاقد معه الفريق الاوكراني من فريق بالميراس البرازيلي ويوجد للاعب مقاطع على اليوتوب والله الاعب خرافي ويصنع الهجمات للمهاجمين بشكل غريب يعني ماتتخيلون كيف يوصل الكوره للمهاجم هذا غير الابداع في المهارات الفرديه اللي تطيح المدافع على وجهه من الارهاق والتسحيب .
اكيد ادارتنا يدورون على صانع لعب في فترة الانتقالات الشتويه اللي صارت قريبه ومافيه وقت للتأخير وهذا البرازيلي لو حضر للهلال رح يزيد من قوة الوسط الهلالي ويكون افضل من يمون ياسر وويسلي بالكور وبالعربي مافيه افضل من البرازيليين في عالم الكوره مهما طلع احيانا نجوم من اوروبا.
ياليت ندخل في مفاوضة الاعب لسببين اولا علشان الاعب ماهو طبيعي ورح ينسينا مشاكل صناعة اللعب والسبب الثاني نرد على الاهلاويين اللي خلوا هوساوي يرفض العوده للهلال من خلال رفع عقده بشكل خرافي بل ان احترافه في بلجيكا لعبه اهلاويه والعلم عند الله وحتى لو راح للاهلي على الاقل نرفع سعره عليهم مثل ماهم قاعدين يسوون الآن لان دورينا ماينفع فيه المثاليه والاخلاق.
اتمنى من اللي يعرف يحمل لنا مقاطع للاعب من اليوتب علشان الكل يستمتع مع هذا النجم .
بالنسبه لخبر تفاوض الاهلي مع الاعب بالاضافه لمقط فيديو للاعب موجوده في صحيفة سبورت الالكترونيه وفي صحافة الاهلي بديلا عن موراليس .
ياليت الاداره تفاجئنا بهذا النجم او غيره من اساتذة الكره البرازيليين .  | 