السلام عليكم ورحمة الله وبركاته ...

مساء أو صباح الخير للجميع ...

**********************************

طبعاً أخوكم الغلبان المسيكين اللي هو محاكيكم ...

له فترة ما سافر والدنيا ضايقة به ...

وقرر أنه يروح للبر ...

يالله وش نسوي رحلة برية على كيفكم ...

مع أنها من نسج الخيال ...

لكن وش رايكم تشطحون بخيالكم معي شوي ونروح مع بعض للصمان ...

***** رحلة إلى الصمان - يا محلى قنص الضبان *****

طبعاً معنا ثلاث سيارات ...

الدتسون الثمانية والسبعين المظلل اللي لهيمو ...

وحاط عليه من ورى صورة قفل ومكتوب عليه أحبك والقمر يشهد ...

وجيب شاص مقربع موديل سبعين لأبو منار متسلفه من جارهم ...

لأن لأبو منار متعود على ابو هنود والليموزينات ...!!

وهايلوكس معدوم ورايح فيها للأسطورة ...

يقول أنه يستخدمه للمهمات الصعبة ...!!

طبعاً شلة الأنس ...

المشرفين والمدراء والأعضاء البارق (( متوسطين له أنا وهيمو علشان يروح معنا ويكتب موضوع الكاريكتيرات )) - المتميز (( القهوجي ضروري من وجوده )) - طلال (( الأخبار أول بأول ))

خلنا نشوف كل عضو وش يسوي مع نفسه ...

(( كوكتيل )) ...

هالمسيكين ماسك المسجل الصغير ويمشي مع هالصحراء ...

ورافع الصوت وبنت مشعلاني تغني قلبي قلبي قلبي ...

وهو يصيح ويلي ويلي ويلي ...

طبعاً المسيكين ما صدق وحده تعطيه وجه ...!!

وإذا كانت مثل باسكال بعد ...!!

يعني طاح واقف الأقشر ...

<----------- مهوب حاسده أبد ...

يبلغ من العمر 42 ونص ...

عازب ويرغب بالزواج من باسكال فقط ...!! (( أيه هين بس ))

أمنيته بالحياة أنه يكون صاحب برنامج ستوديو الفن في لبنان ...!! (( يازين العافيه بس ))

(( الاعصار ))

هذا نقدر نسميه المربوش ...

كان يمشي بين الخيام بسرعه تقول واحد يطرده بعصا ...

مخه فيه شوية تنسيم لكن مستحملينه ...

يقول أننا في عصر السرعة ولازن نكون مربوشين مثله ...!! (( الله لا يبلانا ))

يبلغ من العمر 36 و5 أيام و10 ساعات و7 ثواني و9 أجزاء من الثانية ...!!

عازب ولا فيه أمل أحد يزوجه لو يموت ...!!

أمنيته بالحياة يشتري طيارة ويلفلف على المنتدى بسرعه ...!! (( شديد ...!! ))

(( سلمان ))

هذا يا بعدي بالذات شغلته شغله ...

كان ماسك الكنود (( أكيد تعرفونه )) ويتهاوش مع الخلق ...

العالم تقول يا أقرب جهاز حدد موقعك ...

وهو يقول الزعيم يا بعدي الزعيم ما تعرفونه ....!!

نحاول نفهم فيه وهو اللي براسه براسه ...

مسكنا العصا وضربناه حتى تمدد ...

ولا فيه أمل يتغير ...

كرهنا في السفريه والبر وكل شيء ...

يبلغ من العمر 1600 موضوعاً و27 رداً وعشرون قفلاً ...!!

ماقلتلكم مهووس بالزعيم ...!!

أمنيته بالحياة أنه يفصل من وظيفته ويجلس يدور عمل بالزعيم ...!!! ((( مريض نفسي )))

(( الأسطورة ))

طاااااااخ طييييييييييخ طووووووووخ ...

هذي من حركات الباشمهندس الياباني ...

أزعجنا جايب معه كراتين بلا ستيك ويكسرها ...

ويقول هذا كونغ فو ...!!

أزعج العالم ولا نعرف للنوم طعم ...

جاب لنا مرض الضغط والسكر ...

يبلغ من العمر كي سونغ في (( عمر ياباني ...!! ))

أمنيته بالحياة يصير مثل بروسلي ويدرب العالم ...

وحاول يحقق هالأمنيه وفتح مركز وكفخوة كل اللي عنده ...

وكل اليوم تلقاه مجبسه رجله أو يده أو منفوخه عينه ...!!

حاله مأساوية ...!!

(( طلال ))

أهل الحجاز كلهم مثلهم طلال لوحده ...

هذا كثير البربرة ...

بالحجازي كتير الكلام ...

كان يطاردنا وين مانروح ...

ويسأل الشباب ...

(( فين سفر وهيمو أبغى أحكيلهم قصة الغيمة من جديد ))

وحنا مساكين متخبين في داخل الجيب اللي جابه أبو منار ...

كعادته مهووس أخبار ...

جلسنا نتعشى ونسولف ...

طبعاً طلال ما ياكل معنا ...

يقول ...

(( أيش أبغى بالضبان هزي ))

جايبين له سمك ...

وسألنا أبو الطل وش أخبار العالم ...؟؟؟

وليتنا ما سألناه ...!!

الله يرحم والدين الجزيره يا شيخ ...

يا حليل فيصل القاسم وشلته ...

طبعاً أستلم صنيدح بنا خط في الأخبار ونمنا كلنا وهو يتكلم وصحينا وهو يتكلم ...!!

خلاص مخه ملحوس بالأخبار ...!!

يبلغ من العمر 99 سنة و9 شهور و 9 أيام ((( ذكرني بطيب الذكر السوداني اللي يرعى الإبل ...!! ))

أمنيته بالحياة يصير بدل فيصل القاسم في الإتجاه المعاكس ...!! (( يا حبك للأخبار والمشاكل بعد ))

(( المتميز ))

أييييييييييه هذا لوحده حكاية الحكايات ...

يمشي ويكلم نفسه ويقول (( ريم لا مرام ...!! ))

العقل خلاص بح ...!!

يعني مجنون ....!!

يمشي من جنبنا ويقول ...

(( هي في تشرين أيييييييييه وهي ريم لالالالالا مرام ...!! حسبي الله عليك يا سفر ....!! ))

مهووس ويكره مشرفي المجلس العام بقوة ...

يكره سفر يقول هو سبب مشاكل في تشرين أييييييييه وهي ريم لالالالا مرام ...!! ((( ادعوله بالشفاء ))

ويكره إبراهيم لأنه لما إبراهيم شافه يتكلم بجنون صكه على جبهته بقفل أعدم نصف الجبه اليمين ...!! (( هيمو ماعنده لعب ))

يبلغ من العمر 30 سفريه لدمشق ...!!

أمنيته بالحياة يصير سواق عند ريم لالالالا مرام ....!!!! (( وش يبي هالأقشر ))



********** نكمل بالجزء الثاني باقي الأعضاء وش صار بالرحلة **********

ولكم تحياتي ...

أخوكم / سفر المرزوقي .