 | إقتباس |  | | |  |
الرسالة الأصلية كتبت بواسطة لآ تعلم احد |  | | | |
اللاعب يداهمه أسلوب الحياة هذا ، الفلوس والبهرجة تعمي عيون الشغف تجاه اللعبة عنده ألين يوصل لمرحلة يصير يلعب عادة ، يلعب لأنه ما يعرف يسوي شي في الحياة غير انه يلعب .
عشان كذا كثير من اللاعبين ينتقلون حاليا ، يفرضون على أنفسهم نوع من التحديات يعوضون نقص الشغف عندهم تجاه اللعبة نفسها ، لأنهم يملون بسرعة ، ولا عندهم قدرة يواصلون والفلوس وأفكار العالم المادي مشعشعة في عقولهم .
كل شيء تحول لبيزنس ، هذا شي طبيعي ، المصيبة ان كل شي يتحول معه ، الإعلام والإدارات وعقليات اللاعبين ، الوحيدين اللي يبقون هم الجمهور البسيط اللي الكورة تكون إشباع له ومهرب من الحياة ، فيجي للملعب وهو يحط في باله مثاليات الإنتماء والقرنتا تغطى يا قلبي ، والمشكلة انه ما يطبقها على نفسه ويحط عمره في مكان اللاعب ، لا ، للحين ما يدرك ان الكورة تغير .. لذا ما نستغرب لما نشوف وضع اللاعبين غير منول ، في كل شيء ، في الدلع والإرهاق والرواتب ، في هالأشياء اللي ما كنا نشوفها كثير منول .
وجهة نظري ألخصها في كلمة واحدة ، يجب ان اللاعب ما يرتبط مع النادي عاطفيا بأي شكل من الأشكال ويرتبط باللعبة نفسها ، ويجب أيضا على الجماهير انهم ما يرتبطون به عاطفيا وإنما يرتبطون بناديهم وبس .
عوافي على المداخله
