سلام عليكم ياملوك !!
طبعا ماعرف للمقدمات ومن زمان اصلا مااكتب مواضيع بس الحال زاد عن حدو
وعنوان الموضوع مجرد لفت انتباه عشان تخش الموضوع !!
اول شي
( موضوع الفريدي + هوساوي )
الموضوع دا للاسف الشديد اخد وقت كبيييير والكل بيهرج فيه كانو اللي راح من الهلال تشافي وانيستا
ياعالم كل مين راح بطريق والله يوفقهم بعيد عن الملكي
مو معقول المنتدى كلو عن دي السيرة خلاص فكونا منهم كل دقيقة والتانية موضوع جديد عنهم والله ماصارت !!
ترى مدينهم اكبر من حجومهم

تاني شي
( مباراة " الملكي و " الاهلي ". )
الاربعاء ، ترى وربي الاربعاء يعني باقي يومين بس
وماني شايف اهتمام فالمباراة غير اللهم موضوعين او تلاته !!
كلو مشغول فالانتقالات الشتوية ، اوكي مااقولكم لاتعطوها اهتمام بس " كل شي بوقته حلو "
خلونا بالمباراة وبعد المباراة قولو اللي تبغو
المباراة مهمه لتثبيت الصدارة ياملوك

تالت شي
( الحضوووووووور )
المباراة فالدرة " استاد الملك فهد "
اتمنى كل واحد يتمنى الاحسن والافضل للهلال انو يحضر فدي المباراة
لاتقولي دوري ابطال اوروبا ولاتقولي سبب تافه يمنعك تحضر
اتمنى واتمنى واتمنى اشوف الدره فيها عالاقل 40 الف ملككي

رابع شي واخر شي
( التشجيع )
يعني مو تحضر بتوب وشماغ وتملي جيوبك فصفص وتجلس !!
لا ياعمي الكلام دا مايمشي علينا
نبغى تشجيع وحماس مع الرابطه الى الدقيقة 90
لو مهزومين لاسمح للله ب 8 شجع وماعليك انتا بتشجع عشان الهلال مو عشان شي تاني

وانا انشالله اول الحاضرين من 1000 كيلو للملكي
شدو الهمه
ونقول :
بدري عليك والله بدري
مجنون وانتا ماتدري
لاتعاند الهلال يااهلي
بدري عليك والله بدري
ملاعبنا تشهد وتدري
والاهلي باقي يهذري
لاتعاند الهلال يااهلي
بدري عليك والله بدري