18/11/2012, 11:02 AM
|
 | مانشستراوي مخضرم | | تاريخ التسجيل: 19/06/2002 المكان: ادور على حظي
مشاركات: 3,348
| |
أنا بديت أؤمن إيمان المؤمن الآمن  ان لو اجيب للسير أطلق فريق بالعالم يقدم متعة بس مباراتين ويفرض عليهم أسلوبه وخذلك يا عك ورفعة ضغط .. واااااو إننا ملوك الكم باكس .. واااو إن لدينا شخصية البطل .. واااااو إن لدينا السير عن كل لاعبين الشيتي .. واااااو إننا شارين كاقاوا علشان نغير طريقة اللعب .. أنا كنت أقول بداية الموسم إننا لازم نصبر للفريق لأنه قاعد يغير من طريقة لعبه .. لكن الواضح لي إن شايبنا ماله نية يغير أبد ..
مشكلة الفريق عندي واضحة .. تدوير الكورة على خط منتصف الملعب .. أي فريق قوي ويبغى يمسك الكورة تشوفه يدور الكورة على خط منطقة جزاء الخصم .. أما انك تدورها في النص وعطها الجناح وارفع خطة عقيمة واللي يقول هذي طريقة مانشستر كان مانشستر بيبتل كذا لا والله ما نبي مانشستر ..
حل مشكلة هالخطة انك ما تلعب محورين تلعب بواحد اللي هو كاريك وبجنبه لاعب زي فلتشر لياقة عالية وعنده أكثر من حل .. وصانع لعب حقيقي .. وجناحين يدخلون للعمق مب بس ارفع وربك يحلها ..
يعني اللي يلاحظ امس كاريك وجيجز يباصون لبعض ويرجعونها للدفاع وعطها لجيجز يلعب لك باص طويل ولا باص ارضي طويل ويثبتها تشيتشاريتو غلط وتنقطع وكذا .. بعدين يستوعبون ان حنا مانشستر وعندنا طريقتنا الخاصة باللعب .. اوه صح عطها فالنسيا خله يرفع .. ويعطيها لفالنسيا ويرفع وتضرب في لاعبهم وكورنر وينلعب الكورنر ولا يصير شي .. 11 كورنر ولا استفدت منهم !!!!!!
انا مرتفع ضغطي من مباراة الفيلا والعقم اللي بالشوط الأول .. وعندي إيمان نفس إيماني المؤمن الآمن بالسير ان لو أجيب النصر يلعب ضدنا بيطلعون المحللين ويقولون لو لاعبين النصر يلعبون دايم بنفس هالمستوى ان يلقطون مراكز متقدمة .. وهالمحللين الجهابذة الخبرة في البريمير ليق ما يدرون اننا كل سنة نواجه هالمشكلة وتهزمنا فرق تنافس على الهبوط مب زين فيهم .. بالراس الكبيرة اللي معي يقتنع ان المشكلة فيه وانه عدو للمتعة .. بيرنلي ،، ولفرهامبتون ،، ويقان ،، بلاكبيرن ،، نوريتش .. الجميع قال خلصنا الصعب وقدامنا 6 جولات سهلة قبل السيتي بعكس السيتي اللي جدوله صعب الشهر الجاي .. طيب خلصنا 2 من السهلات وحدة فوز بطلعة الروح ومستوى مخيس .. والثاني خسارة بفرصة هدف محققة وحيدة ..
صحيح بتقولون لي شف فينقر قاعد يقدم المتعة اللي تتكلم عنها لكن بدون بطولات .. مع احترامي لعشاق الأرسنال ومحبي فينقر .. هذا فينقر .. عنده التكتيك المناسب .. لكن ما عنده روح المدرب .. الفريق ما يثق في نفسه ولا في مدربه ..
لاعب واحد يالسير .. لاعب واحد يغيرلك الفريق كامل .. سيلفا .. ماتا .. ومن بعدهم كازورلا اللي أضاف للأرسنال .. وش وجه الشبه .. الجنسية الأسبانية .. الحل عندك واللاعبين الأفضل عندك .. باقي بس ازرف التكتيك لأن تكتيكك ما يوكل عيش ..
طبعا هالكلام اللي فوق من محب للسير .. يقعد يجي أحد يقول وشلون تسبه وتقول أطلق مدرب بالتاريخ .. كل اللي اتمناه من السير بس يواكب التطور اللي صاير بالكورة .. ولا يركب راسه  ووضعنا بيكون بالسليم .. 12 مباراة تقيملك توجه الفريق بهالموسم .. ومن المستوى والفوز بفرق هدف واحد أن الوضع ما يطمن أبد .. |
