ياشيخ نتف شنبي بملقاط أن أشتريت عقد ياسر الشهراني

ربعنا يحطون مبلغ ويبونك توافق عليه حسب نظرتهم الفنيه الي مابتخرش المويه

ونظرتهم الثاقبه الأحترافيه التي تسابق الزمن هي الي جابت ( الكعبي - الجيزاني - هرماش - العربي - مانجان - بيو )

بن مساعد موكل شخص يفاوض وكأنه بحراج النسيم يروح للحراج بخاطره سياره ويحط مبلغ يجي غيره يزاود ينسحب ويركب سيارته ويقول خلنا على الأكسنت

يبدو أنه بدأ يغار من شقيقه ويعيد لنا ( سنه النكبه ) خمسات الشارقه والأهلي

ولا نادي مثل الأهلي متى عمره يتجرأ ويفاوض لاعبيتنا ويغريهم يارجل أيام ماكان بالهلال رجال أقوياء ماكانوا يتجرؤون يمرون على حي العريجاء !!!!

عموما الأداره تعمل وضبطت المعسكر ولصقوا لنا صور الاعبيين بالنادي وهذا يكفي لعمل أحترافي !!!

الحوسني الموسم الماضي شوي ويقول ياناس تعالوا وقعوا وخلصونا ياهلاليين بس ربعك يخافون على مشاعر فهودي وخلودي !!!

بندر بن محمد ونواف بن محمد ومحمد بن فيصل أنتم قاعدين تشوفون وش قاعد يصير بهلالنـا !!!!!