صبحكم الله بالخيييير جميعا
والله يديك العافيه ياللي منزل الاخبار ..

ياجماعة الخير بحكم اني عضو مااقدر اكتب مواضيع مااعرف ايش السبب .. لكن عندي اقتراح من زمان ودي اقوله بس عاد دامنا بالصفحه الاولى اتمنى انه يوصل للجميع واجد تفاعل منكم او احد فيكم يحطه بموضوع لو يتكرم ..

انا من زمن طويل ماكنت ادخل المنتدى الا عشان اقرى اخبار الزعيم من الصحف واخرج على طول .. لكن الان سجلت بالمنتدى وصرت اشارك بالمواضيع
المهم كانت تشدني بديكا الفتره تعليقات القراء والزملاء للاخبار .. لكل جزيئه بتجد هناك تعليق وابداء رأي او نقد ومن هذا القبيل ..
الفتره الاخيره اختفت العاده من منتدانا للأسف .. صارت كل الردود شكر او دعاء للشخص الا منزل الاخبار ..
ماختلفنا نشكره وندعيله بالعافيه .. بس ياجماعه والله التعقيبات عالاخبار من قبلكم لها طعم وتحلي الصفحه والله ..
وطالما الشباب مابيقصرو وبيتسابقو عالرد بالصفحه الاولى .. اتمنى انهم يرونا ابداعهم في التعقيبات والتعليقات وارائهم ايضا !
ترى التعليقات دي مهمه وحتى الاشخاص الغير الهلاليين سواء محايدين او منتمين لأنديه اخرى .. صدقوني بتكون صورتنا احلى قدامهم يوم يشوفو التعقيبات والاهتمام من الجمهور بكل الاخباروابداء الاراء .. حتى لو كانت طريفه .. صدقوني الصفحه بتحلى وبتكون من صالحنا ..


اسف عالاطاله