|
هنا || تجميع اسئله اختبار القياس ( الكمي & اللفظي )
بسم الله الرحمن الرحيم
السلام عليكم ورحمة الله وبركاته
اختبار القياس
الكابوس المرعب عند طلاب الثانويه
كم من طالب كان اختبار القياس سببآ في نكسته >><< والعكس
سبحان الله احيانآ يجيك طالب طايح في الشهاده الثانويه .. ويآخذ نسبه عاليه في القدرات
اشك انه مبرشم
ويجيك الطالب الدافور ماكل الكتاب اكل ونسبته 99.99% .. وفي اختبار القدرات ماكل تبن
طبعآ على ايامنا كان توهم متخذين قرار اختبار قدرات >> قبل 7 سنوات تقريبآ
دخلنا صاله الاختبار .. واستغربنا ان الطاولات بجنب بعض وملازقه لبعض
يعني الورقه اللي على بيميني ويساري >> مكشوفه
الفرحه عمت اجواء الصاله >> وكل واحد اخذ يلتفت يمينآ ويسارآ .. محاولآ منه ان يغش
وصلنا لاخر قسم واخر صفحه في الاختبار >> وكان مدتها على ماعتقد 23 دقيقه
والطلاب لسى يغشون >> المشكله انه مايقرأ السؤال اللي في ورقته وفي ورقة زميله
مافيه >> على طول يلطش الخيار
قبل ماينتهي الاختبار بدقائق معدوده >> تكلم معنا احد اعضاء اللجنه وقال
.
.
.
.
.
الاسئله تختلف عن بعض >> لاتغشون
يرحم امكـ وينك من اول 
الحمدلله اني مالطشت الا سؤالين
المهم اني وقتها كانت نسبتي ممتازه في الثانويه
وفي القدرات جبت العيد 63%
الحمدلله على كل حال
.................................................
.................................................
.................................................
هذي كلها كانت مقدمه
ناتي للاهم
اختبار القياس يوم 1/1/1434 حتى 8/1/1434
وقلت ليه مانجمع اسئله الاختبار >> حتى باذن الله تعالى نكون سبب في مساعدة اخواننا الاعضاء والزوار الدارسين في المرحله الثانويه .. وتكون ايضآ مرجع ومساعده للاجيال القادمه
يالله انطلقوا >> كل واحد يجيب اسئله وتكفون لاتنسون الاجابه
لي عوده ان شاء الله .. وراح اجيب عدة اسئله راح تعجبكم
تحياتي
اخر تعديل كان بواسطة » Abu Shouq AL Hilali في يوم » 07/11/2012 عند الساعة » 08:46 AM | 