نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

A L 7 Z N · #1 04/11/2012, 11:58 PM

السلام عليكم

مساء الخير للجميع ..

في شهر 7 اللي راح .. يوم مؤساوي الله لا يعيده
ولا يحطكم بالموقف ذا ..
توفى عمي معه 4 من عياله الصغار واثنين من عيال بنته وصغار بعد

واحد من عيال بنته كنت متعلق فيه كثير وهو متعلق فيني

والله للحين مب مستوعب انهم ماتوا .. لكن مانقول الا الله يرحمهم
ويشفع بالصغار ان شاءالله ..

كتبت أبيات بخالد ..

ليا من غاب عنّك من تحبه
مصير الحيّ يتلاقى بحيّه

ولكن من خذاه الموت عنّا
وراح ولا ترك لي مقدريه

أبي أضحك ولكن لو ذكرته
يهلّ الدمع من هذي وذيّه

أموت بغيبته في كل ليله
أبي شوفت عيونه لو بليّه

خذاه الموت والذكرى بقت لي
أقلبها معي صبح وعشيّه

تمر الذكريات بوسط بالي
سوالف قالها ومسكت يديّه

ليا منّه ضحك تضحك عيوني
أحسّه قطعتن مني وليّه

أشوف أنه ظناي وكان حبي
صغيرن بس يكبر في عنيّه

أحبه لو جلس يحكي ويسولف
وأحبه لو تعنّا في مجيّه

وليا منّه أخذ جوال أمه
ودق وقال يابراهيم هِيّه

تعال أبغاك تاخذني معاكم
وبجلس من عصر حتى المسيّه

ولكن صار هذا شي ماضي
ونار الشوق في الوجدان حيّه

يا خالد ليه تتركني يا خالد
وأنا احبك وعيني لك وفيّه

أراكم