-

السلام عليكم

الفريق دخل المباراه متخدر ، ونتيجه التخدير إنلقمنا ب هدفين ب وقت مبكر ، ينلام عليها الدفاع بالمقام الأول سواء كان الهدف الأول بسوء تغطيه من أشلي كول ل فالنسيا أو بالثاني ب غلطه فادحه من كاهيل وعدم متابعته ل بيرسي ، بعدها شفنا المانيو متراجع ل مناطقه ومنضبط تكتيكاً وهذا الشي سمح ل تشلسي ب فرض أسلوبه والدخول ل جو المباراه ، تقريباً ع الدقيقه 30 بدا تشلسي يشكل خطوره على مرمى المانيو ويحاول يفك الشفره ل الوصول ل مرمى خيا ، إلين تحصلنا على خطأ ترجمه خوانيتو ل هدف أول أعطى الأفضليه لنا بنهايه الشوط وأعطانا الأمل للرجوع وبقوه بالشوط الثاني ، وهذا ماحصل بعد الرجوع للملعب ، أكلمنا السيطره وقدرنا من كوره ميته نخلص الفرصه ونسجل الثاني براس الكيني راميريز .. تشلسي بعد الثاني ب أوج عطائه والأفضليه له بكل شي ل تسجيل الثالث وقلب الطاوله ، لكن شاءت الأقدار .. !

طرد ظالم ل توريس لا جدال فيه ! ب قدره قادر الكرت والفاول تحولت ل الاعب المانشستراوي ل توريس وب طبيعه الحال كون الاعب يمتلك للكرت الأصفر ف راح يكون مصيره الطرد ! البعض يقولون النينو تداعى التمثيل والتحايل على الحكم ؟ مدري يعني إحنا نشوف الحاله ب نص عين ولا الدعوه (عباطه) ، بما إن الإحتكاك حصل وتدخل إيفانز على توريس المفروض فاول دايركت حتى لو تورس ماطاح ! المصيبه الكبرى الي يجيك ويقولك توريس هو الي دخل على إيفانز ! هنا أكتفي ب إبتسامه (هاتو الحاله فيديو إذا توفرت)

الهدف الثالث لا جدال فيه ! تسلل واضح فاضح ، بديهياً هرنانديز أخر لاعب وقالط عند تشيك ومافيه أي مدافع أزرق خلفه بديهياً يعني تحسب تسلل بدون تفكير ، فما أدري وقتها الحكم أو مساعده رجل الخط وش كان يفكر فيه !

يجيك مانشستراوي يقولك بلنتي لويز ؟ مع إنها مش متعمده ، بس نفترض إنها بلنتي ، طال عمرك خليتها هدف وخلصت وإعتبرت النتيجه 3-1 ؟ خخ ترى الفرضيات لا تسمن ي حبيبي ، لو بنفترض أبقولك لو لويز م أخطا كان ماسجلتو هدفكم الأول !

طيب يقولك توريس المفروض ينطرد من الشوط الأول على تدخله على كليفرلي ، ورازين لي صوره ويقولون هاه شفتو ؟ بغى يشق بطنه ؟ حبيبي ترى عمر الصور ماكانت مقياس ! هات الفيديو ووقتها نحكم ، الشغله الثانيه مثل هذه التدخلات تحدث كثيراً خصوصاً بالبريمر ، وبعض الحكام يقيمها ي أصفر ي أحمر وذا شي متعارف عند حكامنا المزاجيين ، بالأخير الاعب أخذ جزاته وأخذ أصفر على وجهه نقطه إنتهى

ف إذا جيت تتكلم ي بعد راسي أنت حاول تتكلم ب منطق ، ولا تستغفل عقولنا ، صحيح مانشستراوي وتفكيرك لا فريقي مهما صارله من أخطاء تحكيميه مستحيل أعترف وأنت بالحالك وجنبك 5 معك والباقين كلهم يشوفون الصح وأنت مصر على قرارك ، ترى شكلك يطلع بايخ ..

بالأخير خسرنا 3 نقاط وماخسرنا السباق ، لازلنا بالصداره رغم الهزيمه المذله ، صراحه وشخصياً أعتبرها فوز ب نظري كونك تلعب ب 9 لاعبين وتقدم مستوى ومع ذلك تشوف خصمك يفوز ب هدف تسلل فاضح !

الحمد لله على كل حال

وأخيراً

إقتباس ابتكلم عن التحكيم بسرعة وادخل في صلب الموضوع .. مع تدخل التحكيم للطرفين .. مانشستر كان المستفيد الأكبر وما استحق الفوز للأمانة .. التعادل عادل .. هذي رابع مباراة قوية ذا الموسم لمانشستر بالدوري .. خسرنا ثنيتن ضد ايفرتون وتوتنهام .. وفزنا ثنتين وما كنا نستاهل الفوز باثنينهم .. ضد ليفربول وتشيلسي .. وبكل الثنتين ينطرد لاعب وبرضو يستحوذون على الكورة .. انا ما ادري وين المشكلة .. ما راح احملها الا السير .. المشكلة عندك واضحة اللاعب اللي بجنب كاريك .. بمجرد دخول سكولز المشكلة انحلت .. لكن سكولز ما راح يكون متواجد كل مباراة .. المفروض انك شاري لاعب قوي وله اسمه في نفس المركز .. والاقرب وكان متاح لك هو لوكا .. ونجي للمشكلة الاكبر .. فريق عنده طريقين في دخول المباراة .. ينلقم وبعدها يصحصح ويقلبها .. والطريق الثاني انه يلقم بدري ويرجع يقفل وبرضه ينلقم .. يا سير والله انها بسيطة .. استمر ماسك الكورة وهد اللعب .. اما انك ترمي الكورة وترجع تقفل ما تجي بدفاعك ذا الموسم .. ذيك ايام سوبر سار والريو وفيديتش .. كانت اغلب نتايجنا 1-0 وما عندك مشكلة دفاعك قوي .. فريق عقيم قسم بالله .. يحطك على اعصابك .. ويختار السيناريو الأسوء والأصعب حتى يفاجئك .. سواء يسعدك ولا يضيق صدرك .. الكورة بسيطة زي ما قال مانشيني بعد خسارتهم ضد اياكس .. اركض وسجل هدف .. لا جد الكورة بسيطة .. لازم تتعلم من أخطائك .. لكن اللي اشوفه الفريق حتى الان ما تعلم ولا خطأ .. العام خسرت بفارق الأهداف .. ولا شفت ولا شي تعدل عن الموسم الماضي .. اللي فرق ضبط هجومنا وشان دفاعنا .. ووسطنا سو كنك ما شفت شي .. السيتي العام انطردله لاعب وركنا 6 .. حنا انطرد لاعبين وجبنا قول تسلسل واقعد باص الكورة لخويك وتنقطع وبغوا يلقمونا قول في كورة ستوريدج .. نقطة اخيرة .. اهني التشيلساوية بمدربهم الحفلة .. اجل تبديلاته يسحب اوسكار بعدها ماتا بعدها هازارد .. برافوا ريحت وسطنا ودفاعنا .. اما يوم يسحب ماتا .. حسيت اني بحلم .. الحكم ويساعدنا على ارض تشيلسي .. ويطلع العلة ماتا .. الشي الجميل من ذا الموسم هو رافاييل .. هاردلك تشيلساوية وليفربولية ..

ماعاد أبي من أحد شي بعد ها الرد ، متعصب ؟ عاطفي ؟ قلبك متيم ؟ بس بالأخير فيه شي إسمه إنصاف وكلمه حق
هذه تطلع منك أحطك فووق فوق راسي مثل صاحب الرد الفخم أعلاه ق1 كفيت ووفيت ومبروك الفوز