24/10/2012, 02:21 PM
|
 | زعيــم فعــال | | تاريخ التسجيل: 05/06/2012 المكان: بحر حبّك
مشاركات: 247
| |
هاردلك الخسارة ، خسارة مسّتحقة أمام خصم ماترك لك مجال تضغط عليه ، حقيقةً فريق يُحترم ، فرض علينا أسلوبه وسيّر المباراة على طريقته .. الفريق ماكان في يومه وكأنهم أول مرّة يلعبون مع بعض ، نحمد الله على تواجد تشيك واللي أنقذنا من أهداف محققة ، لو سجلت كانت نتيجة تاريخية علينا ، بدرجة أقل شفنا إيفا ورامي قدموا أداء جيّد أما البقيّة ماكانوا أبداً في مستواهم // المشاكل واضحة جدا في الفريق ولعل الخسارة هي درس لنا ، فبعد الدرس اللي تلقيناه أمام أتليتكو مدريد ورجعنا بعدها أقوى ، هذا درس ثاني لعلّ وعسى نعود أقوى .. الفريق عانى في خطّ المحور بوجود ميكيل ، واللي شفته في الهدف الثاني غير معقول تقدم ميكيل عطاهم مساحة للتقدم ، ميكيل كان سيء في المباراة ترك مساحات كثيرة للخصم وكادوا إنهم يسجلون ، لكن تشيك كان المنقذ الأول في المباراة ، في المقابل رامي أشوفه ماقصّر كان له دور واضح وقدم أداء جيّد وشفناه في أكثر من لقطة يصارع على الكورة وما ألوم هازارد أبداً في الهدف الثاني كورة تجيه في مكان ضيق ومحاصر بالإضافة إلى المساحات اللي عطاها ميكيل للخصم كورة مثل هذي لازم رامي فقط هو اللي نشوفه متقدم وميكيل خلفه ، لويز حتى كان ماهو طبيعي الإرهاق واضح عليه وتعرض لإصابة زادت من معاناته ، البدء بكاهيل كان أفضل حلّ // ماتا وأوسكار ماكانوا في الفورمه أبداً ، هازارد كانت له عدة محاولات وكان هو اللاعب الوحيد المتحرك بخطّ الوسط كان بإمكانه يقلب النتيجة لكن اليد الوحدة ماتصفّق .. إذا مهاجمك إسمه توريس ماراح تلقى خير منه في المباراة وهذا اللي شفناه ، يعني اللاعب إذا كان محاصر من دفاع الخصم تشوفه يحاول يخترقهم وللأسف ماينجح ، اللاعبين وراك سلّم لهم الكورة إذا كنت ما تقدر على الإختراق ، مشكلته الأولى هي التمركز وكأن الفريق يلعب بدون مهاجم ، إذا الخصم يستلم الكورة نشاهده في منطقته لكن لما نستلم حنا الكورة يترك منطقته ويلعب ع اليمين أو اليسار وهذه هي المشكلة ، بالمختصر اللاعب ماعاد نرجي منه أي شيء ، ولا هو قادر يفيد الفريق أبداً في المباريات المقبلة ، لما دخل ستوريدج أمس قلت الحمد لله دي ماتيّو بدأ يعرف وين الخطأ ولعلّه يستمرّ ونشوف ستور هو اللي يبدأ مباراة المانيو .. أجمل شيء حدث في المجموعة هو تعادل اليوفي ، الأمور بدأت تتعقد أكثر وأكثر ، الفوز في مباراة الإياب مهم جدت فلا سمح الله وخسرنا راح ننافس على المقعد الثاني ، مباراتي شاختار واليوفي مهمّ جدا الفوز فيها حتّى ماندخل في ضعط كبير في آخر جولة .. هاردلك   .. |
