السلام عليكم ..

لما نتكلم عن حال الهلال تصغب المقدمات صراحه ..
لكن من وجهه نظري الهلال بحاجه لعده امور باطرحها واتقبل ردودكم
سواء بالموافقه على كلامي كله او بعضه او بعدم الموافقه ..

اول شي الاداره ..
شبيه الريح جدد 4 سنوت والاغلب عند خبر التجديد كان يبارك الخطوه ..
ويدعمه .. لكن بعد الخروج الاسيوي تغيرالوضع ..
باقي على فتره رئاسته 3 سنوات ونصف ..
اتمنى ندعمه في وقت الخساره اكثر من الانتصار ..

الكثير يقول الهلال محتاج اداري بمكان سامي الجابر .. وعلى العكس انا احترم سامي الجابر وانتظر اليوم الي يكون فيه مدرب للهلال بفارغ الصبر ..
لكن بوجود المدير الفني كومبواريه وباعطائه كل الصلاحيات لا اعتقد بأهميه اداري الكره بالفريق ..
لكن يحتاج لمساعد فني يستشيره ويناقشه بالتكتيك واللاعبين ومراكزهم ..

ثاني شي الهلال محتاج جماهيره اكثر من اي شي ثاني ..
تقولون لي ليه ؟ الاهلي قبل موسمين كان باسوأ احواله لكن مع نهايه الموسم انتفضت جماهيره وابدعت بالمدرج واحرجت اللاعبين والاداره وارغمتهم على تحقيق طموحهم ..
لابد ان ندعم الهلال ونحرج الاداره واللاعبين ..


من ناحيه اللاعبين الهلال فاقد للاعب القائد داخل الملعب .. وهو اللاعب اللي يحفز الفريق يصرخ فيهم يحمسهم يوجههم .. خاصه ان اغلب لاعبيننا حاليا مانقول صغار لكن في بدايه العمر ومعدل اعمارهم تقريبا 22 او 23 سنه ..
ومافيها عيب اذا ماعندنا قائد للفريق اننا جيب قائد حتى لو كان محترف اجنبي ..

الهلال يفتقد للقتال على الكره ويفتقد للنزعه الدفاعيه عند بعض لاعبين الوسط وهذا اللي يتعب دفاعنا .. برغم ان دفاعنا تعبان صراحه ..

الهلال يحتاج الى عمود فقري للفريق من الاجانب المحترفين .. الهلال محتاج قلب دفاع صلب .. ومحور دفاعي ممتاز وفيه صفه القياده داخل الملعب .. وصانع العاب يحرك ويوزع اللعب .. بالاضافه للعقرب البرازيلي ويزلي ..

ولا افضل ان يختارهم المدرب ابدا .. بل على العكس .. ان تختارهم الاداره وسامي الجابر .. ويطرحونهم على المدرب ليختار من بينهم الانسب له .. اما ان يكون الاختيار للمدرب فقط هذا خطأ كبير ..
على المدر ان يحدد المراكز فقط والاداره تبحث عن لاعبين سوبر ستار وتجعل له خيارين او اكثر في كل خانه وهو يحدد من يحتاجه منهم ..

ونحتاج للاضافه من اللاعبين السعوديين .. على سبيل المثال بعد الاستغناء عن المهاجم الكوري الفريق يحتاج لمهاجم بالاضافه لويزلي وياسر واختفاء الحارثي .. نحتاج مهاجم احتياطي (يوسف السالم على سبيل المثال )
نحتاج ظهير ايمن ثاني للتنافس مع البيشي حتى لا يضمن الخانه .. واذا لم يكن افضل من نامي افضل الا ياتي ..
نحتاج لصفقه قويه على مستوى وسط الملعب مثل ابراهيم غالب او يحيى الشهري ..

اتمنى اني ماطولت عليكم ..

تحياتي