السلام عليكم 
تعادل من ارض المتصدر وبين جمهوره مكسب لنا , اريد توضيح شيء بسيط البعض يقول الريال لازم يفوز وصور المباراة على انها مباراة نهائية وفي الواقع هي مباراة في بداية الدوري الجولة السابعة تقريباً , لو المباراة في الجولة 25 او 34 مثلاً وقتها اقول لك ابي الفوز ولا غيره , عموماً الريال كان يمديه يفوز وبنتيجة كبيرة 3-0 مثلاً لو تسجلت كرة بنزيما وراسية راموس , خصوصاً كرة بنزيما .
الشيء الثاني هو ان مورينهو ليه يدافع ؟! , ما ادري احس البعض يحسبها مباراة حواري اهجم وبسّ انا العب ضد برشلونة يملك ميسي وانيستا وبيدرو في الهجوم تبيني اندفع للامام واترك مساحات خلفي والقم اهداف ثم اقول شوفوني هاجمت ؟ , مورينهو كان واقعي جداً وواقعيته كانت بتفوزنا بنتيجة كبيرة لكن رعونة بنزيما رفضت هـ الشيء , مورينهو يهاجم بقدر ويدافع بقدر اكثر , في كل هجمة لنا تمثل خطورة على الدفاع الكتالوني , لو فيه مهاجم قناص كان استثمر الفرص اللي حصلت لنا .
عموماً الفارق 8 نقاط والدوري متبقي عليه 31 جولة 7 شهور تقريبا
سـ تشهد العديد من التغيرات بـ التاكيد في سلم ترتيب الدوري .
ملاحظة اجد البعض يتكلم عن ترتيب الدوري ويقارن ترتيب
البرسا ب الريال وناسي الاتليتي اللي يقدم مستوى كبير
مع سيموني بيبي . وكان الدوري بين الريال والبرسا؟!
لاحظوا مارسيلو والفيس وبيدرو وشلون يناظرون 
