ايوووا كويس ان موضوع الساعات انفتح .. انتبهوا الرد القادم للأرشيف يا جمهور روما

ساعات رولكس كثير من بعض الجاهلين بقصتها اذا يبي يتكلم على روما سردها وهو مايعرف تفاصيلها ولا حيثياتها .. صحح فارنكو سينسي أي نعم أعطى الحكام ساعات رولكس في ذيك في موسم 1999 وهاذي ماننكرها عكس آخرين ينكرون المكالمات واستعطاف واختيار الحكام لكل جولة لفرقهم ..

نأتي لتافصيل القصة الحقيقة في موسم الأعياد في ذيك السنة أهدى فرانكو ساعات لبعض الحكام الدوري بمناسبة اعياد رأس السنة وأمام مراى الجمسع وامام اعين الصحافة ولاهو عبر مكالمات او خلف الكواليس .. الشاهد صحافة الشمال اللجازيتا والتوتو والميدياست وكل الصحافة والإعلام والقنوات طلعت تصيح وتنابح .. ليه وكيف وخيانة عظمى ومؤامرة وان هناك تلاعب .. المهم ثاني يوم كل الحكام ارجعوا الساعات لفرانكو وقالوا فكنا من شرك وخذ ساعاتك .. والنتيجة في ذيك السنة هل روما اخذ الاسكوديتو هل شفنا لقطات وبلنتيات فضائح ... لا .. انتهى ذاك الموسم وروما يقبع المركز السابع والسادس على مأظن

عموماً ان لو مكان فرانكو سينسي ذيك السنة مالومه او حتى لو كنت رئيس نادي آخر لاستطعفت حكام موجي بأي هدية لعل وعسى يرحمونا ويهدونا لو بطاقة تأهل للشامبيونز والا الاسكوديتو مستحيل الفوز الفوز فيه

وحتى نذكر السنوات كان زيمان يدرب فيها روما وكان يتكلم على اليوفي وكل تصاريحه على اليوفي وخمقابتهم حتى جاء الكالشيوبولي وكشف لنا ماكان يتكلم عنه زيمان

لذلك سالفة الساعات مهم معرفة تفاصيلها لايجيكم واحد صغير مايعرف من قصتها الا اسمها ويتبلى عليكم فيها

بالنسبة لزيمان انا انصح للجميع من متابعين الكالشيو تتابعون تصاريحه وتركزون عليه ومحاولة البحث في تفاصيلها هو هالسنة صرح وقال ابيتي عدو كرة القدم لكن اللي ابيكم تتأكدون منه وهذا شئ معروف زيمان تصاريحه فقط مع اليوفي وكل مايتعلق باليوفي لذلك لو شفتوا مرة يتكلم على الحارس البواب اللي ماسك بوابة مبنى الإتحاد الإيطالي فهو يعني بذلك اليوفي .. لذلك هو يعلم ان ابيتي يوفاوي بس صرح بتصريح فيه من اللغز والغموض بأنه عدو لكرة القدم تجنباً للإيقاف