الأسيويه يبيلهآ فريق متكآمل يلعب ويشتغل للنادي بروح مثل الاتحاد وبونيودكور الاوزبكي ، وادارة تعمل فقط
داخل اطار اللعبه ، مهوب ادارة منافسات بين بعضهم ، تعبنا من الكلام القديم ، سامي يرحل عشان سين عضو شرف
وعضو شرف آخر يرحل عشآن سامي رحل ، وتخبط فوق تحت ونحن لنا الله نفكر بآسيآ ، ومدرب وقع معه عضو شرف
ويراهن عليه ، عشان سامي يفاوض مدرب آخر ، وعقد افضل صانع لعب معلق ، لا للحسم في هذا الملف ، ولا لرفع
السعر وتلبية مطالب الموهبه ، والباب يوسع جمل ، وحط ظهير يصنع لعب عشان بس يلعب وينبسط سين من اعضاء الشرف
والاداره بكل بسآطه ممثله في راس الهرم مهيب عارفه وش تسوي ؟؟
ونبي اسيا ؟ والله حنا جمهور مسكين ؟ نعرف ومتاكدين ان فريقنا ماشي بالبركه بكل صراحه
ومافيه نهج تكتيكي واضح بكل مباراه ، ونعابط نبي اسيا ؟ وفوق هذا كله نعرف ان اجانبنا فشنق من الآخر
اولسان اجانبه هم اللي صنعو الفرق البارح ، واجانبنا نبي نصبر عليهم لاننا مساكين ؟
مانعرف كوره ولا عمرنا طقيناها ،

بكل صراحه ، عبدالرحمن بن مساعد في اول سنه عمل اشياء كثير ماننكر هالشيء ،
وصنع فريق بطل ، ولكن الحظ ماحالفنا ساعتها بالاسيويه ، غلطه انه هدم هذاك الفريق كله
بسبب خروجنا من الأسيويه ، من يومها وهو يتخبط مهوب عارف يصنع مثل ذاك الفريق

كان الله في عوننا بس،




الله يوفق الزعيم الملكي





,,