انا استغرب هالتصريح من لاعب كبير مثل تشافي ، بغض النظر على انه يطالب تكريم ميسي واعطاءه الكرة الذهبية ، ولكن انك تجي وتقول افضل لاعب بالتاريخ !!!! هذي قوية والله !! ميسي على عيني وعلى راسي لاعب كبير ولاعب موهوب لكن ماوصل انه يكون افضل لاعب بالتاريخ.
ماراح اتفلسف واقول وين راح ماردونا او بيليه او غيرهم من اللاعبين لاني ما شفت لعبهم ومالحقت عليهم ، لكن لحقت على لاعب ما اتوقع انه راح يتكرر مره ثانيه واللي هو " زيدان "
اذا تبي تقول هذا افضل لاعب بالعالم شوف انجازاته السنوية مع فريقه ، ولكن اذا تبي تقول افضل لاعب على مر التاريخ فشوف انجازاته مع ناديه + منتخب بلاده. اللي حققه زيدان شي اتوقع من المستحيل احد يسويه. الفرق بين زيدان وبين ميسي " او اي لاعب" ان زيدان يشيل فريق لحاله ، يعني بمعنى اخر زيدان لو تحطه مع منتشري والقحطاني "او" مع رؤول و فيقو بيشيل الفريق وراح يحقق له انجازات. اي لاعب تحطه مع زيزو راح يبدع حتى ولو كان لاعب متواضع في لعبه.
انا هذي وجهة نظري واللي يشوف ان كلامي موب صحيح ياليت يشوف وضع فرنسا من بعد 2006 ايش صار فيه...

إنجازات زيدان :


أفضل لاعب ثلاث مرات في أعوام 1998 و 2000 و 2003


مع اليوفي: حقق الدوري الإيطالي وكأس إيطاليا وكأس السوبر الإيطالية وكأس انتركونتينتال

مع فرنسا: حقق كأس العالم 1998 وكأس الأمم الأوروبية 2000 وكأس القارات مرتين ووصيف كاس العالم 2006 ( وللمعلومية: كاس العالم 2002 ماكان موجود بسبب الاصابه ، وفرنسا طلعت من دور المجموعات ، وفي 2006 بنفس التشكيلة تقريبا وصلو للنهائي ، ايش يكون السبب ؟؟؟ )

مع ريال مدريد: حقق الدوري الأسباني مرتين وكأس أسبانيا وكأس السوبر الأسباني مرتين ودوري أبطال أوروبا.


هل فيه لاعب ممكن يحقق الانجازات هذي ؟؟ اترك الجواب لاي احد يخالفني الراي