نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || UCL .. دوري أبطال أوروبا || قمتين الاولى ريال مدريد × مانشستر سيتي , تشيلسي × يوفينتوس + بقية المباريات || تقديم ومتابعة ||

kun khalid · #182 21/09/2012, 02:22 PM

روقني ي الهدف ، روقني ي الأوسكار

إذا كل ها المتعه والطرب من نشيد الأبطال الي سمعه ، لا أوصيكم ، قبل كل مباراه خلوه ب غرفه وإفجرو على صوت النشيد ومن يخلص نزلوه للملعب على طول .. شي كبير ي عمري ، ب دقيقتين أكل الجو ، وعفط بيرلو وقال ل بوفون إذا ف أمك خير صدها ! أحرجت دي ماتيو ، الحين قبل كل مباراه ب يحك الصلعه ويناظر بالأسماء من يبدأ ومن يحيط ، وهذا وباقي مارين وموسيس م نجمو ، لو يبدعون عز الله إبتلش فيهم ..

هاردلكم التعادل ، مباراه كانت ف اليد بس أخطاء الاعبين كلفتنا الخروج ب نقطه ، ماني مع الي يحمل ماتيو التعادل ، بالعكس ماتيو م قصر دخل بأحلى تشكيله ، وشفنا تشلسي هجومياً لا يعلى عليه وتخلى ولو قليلاً عن مبادئه الدفاعيه وهذا الي قلته قبل ، ماتيو من مباراه ل مباراه بيشرك عنصر إلى عنصرين لين تنطبخ التشكيله الي براسه ، ويبدأ تشلسي يلعب كوره هجوميه جميله مثل أول .. ب نظري أخطاء الاعبين ف التمرير كلفتنا الكثير ، مو معقوله ب كل مباراه ب نعطي مهاجمينهم أسست ! كان من كان ، قدام الكوينز ميكيل م قصر وطلعها تيري ، والحين لامبارد ، لو المهاجم إستيعابه سريع كان لقمونا ب هدف وأكلناها على روسنا بس زين إنهم ينلخمون شوي ويرجع الفريق يتدارك الخطأ ..

هدفهم الثاني من بدايته خطأ ف الباص من ميكيل ، رجعت لهم الكوره وهوبا هدف ، كسر التسلل من تيري ماكان له داعي لأنك ب وضعيه م تسمح ، الهدف أحمله أوبي 50% تيري 40% أبو أديلا 10% ، تردده بالخروج سمح للمهاجم ياخذ راحته ويحطها من بين أقدامه .. الهدف يغبن إنه جا بعد طقطقه ومستوى للبلوز لا يعلى عليه ، توقيته يقهر بس طبعاً م نهضم حق اليوفي بأحقية التعادل والخروج ب نقظه .. التعادل عادل بوجهة نظري وهذا المتفق عليه أغلبيه الشعب ..

شراكة ماتا وهازارد راح تأتي ب ثمارها قريباً ، محتاجين ل مهاجم يترجم هذي الثنائيه والطقطقه الي بينهم لأهداف ، توريس للأمانه طابت النفس منه .. سوء ف التمركز ، إستسلامه ف أغلبيه الهجمات ، إذا إنحشر بين كومة الدفاع م يعرف يحرر نفسه من الرقابه .. أجل بالدفاع بونوتشي وحاشرك ؟ أنت بذي الحاله م تسمى مهاجم مع إحتراماتي الشديده لك .. غلطه الإداره تخلو عن لوكاكو الي من الممكن يحاشر توريس ف مكانه ، خبري ب ستوريدج وده يلعب كرأس حربه صريح ، أتمنى ماتيو يعطيه الفرصه كوده يفكنا من الحواق الي نشوفه من توريس ..

ميكيل قفل حسابه ب التويتر بعد شن هجوم عليه من جماهرينا الي معميها التعصب ، المشكلة إنهم رامين عليه كلمات عنصريه وما إلى ذلك ، إوك الولد أخطأ ، وفوق كذا يوم سو معه مقابله إعتذر قدام الملأ ، مدري ليه حركات المبزره ! مشكلتنا ننسى الجميل ، غلط على عيني وراسي ، نلومه لين يتعدل وضعه بس مب بها الهمجيه ! ، يقال إن النادي رفع شكوى للشرطه وراح يتصرفون بها الموضوع ..

م راح أدعي عليك ، يكفي الي جاك من اليوفاويه نفسهم .. أوسكار أوت ل أسبوع - أسبوعين ب سبب السبك أعلاه ،
الزبده ي سبك ، دبرنا ب الإياب ق1