اهلين اخوي المتميز ..

موضوعك روعه في هدفه واسلوبك في طرحه جدا جميل .. مشكور ..

بالنسبة لي عمري كله ما غشيت بالتحريري , لكن بالشفهي عادي اسويها مدري ليش احس انه حلال
بس المشكلة إذا الاستاذ نفسه هو اللي يغششك وش بتسوي والمشكلة من دون ماتطلب منه بس لانه شاف اجابتك مهيب زينه وقام يسرد لك الحل .. وش موقفك؟

أما الواسطه وش نسوي .. اذا تركناها بيتركها غيرنا؟ ما لنا الا نراكض وراها زي الناس عشان نعيش .. والأثم على اللي توسط وعلى اللي مشاها .. واللي استفاد ماله دخل .. (ما احد يعاف الرزق ).. ( طبعا بشرط لاتكون رشوة يعني ادفع واتوسط لك )..

اما الغش في البيع والسوق , فهو جريمة بشعه ..

وفيه نوع مهم من انواع الغش وهو المجامله ( التي تصل لدرجة النفاق ).. ليش نجامل ونخلي غيرنا ياخذ مقلب في حاله .. نوع من انواع( غش المشاعر)

بس دافع الغش .. أكيد الإهمال والرغبه في الحصول على النتيجه باقل جهد , و اتباع هوى النفس والشيطان بانها اخر مرة يسويها .. في كل مرة يقولها لنفسه .. والبعض مايفكر بانه حرام ( تبلد احساسه ).. وغيره كثير ..

الله يهدينا ويغفر لنا
الف شكر لك على الموضوع , وتحياتي ..