| مافيه شيء إسمه حُسمت المنافسة أو إنتهت, الفارق صعب ومدريد نزف نُقاط كثير لكن بـ الجولة الرابعة كيف قررت إن المُنافسة إنتهت وقُضي أمرها ؟ .. ما علينا نرجع لـ مُباراة البارحة شيء كارثي اللي قاعد يصير من وصُول إلى أعلى المستويات إلى هُبوط رتم ونزيف النقاط المُستمر بـ الجولات الماضية .. نتكلّم بالواقعيّة ؟ كريستيانو يضغط نفسه بطريقة هو ما حسبها حتّى شفنا كيف يأثر على مستواه / تصفير الجمهور .. كلها أشياء سلبيّه عليه سببها تصريح طائش .. فريقك بدا يرجع بالطريقة المُنتظمة والطريق الصحيح وإنت تضغط فريقك بـ هالكيفيّه وبتصريح ما أدري وش الهدف منه وتقدّم أسوء مُستوياتك !
المُباراة يتحملها مُورينهو بشكل أو بآخر , الهدف الأوّل حرّك أشياء كثيرة بالمُباراة ولخبط خطوط الفريق بالكامل , لكن اللي حدث أكبر من كون الفريق تسجّل فـ مرماه هدف بالوقت المُبكّر الفريق تعدّى هالمرحلة ومهُوب لاقي نفسه ومش قادر يبني هجمه فـ الثلث الأخير من ملعبه .. إنت بهالسّوء تاخذ منحنى ثاني و تاخذ لك لفّه على تبديل مُورينهو لـ أوزيل رجعت أشوف الشوط الأوّل وأشوف وش اللي سواه أوزيل غلط .. مسألة إنه يكون عندك مُودريتش بالدكّه مهوب إلزامي تسحب أوزيل وتقحم مكانه الكرواتي , كان فيه تعامل أفضل من هالتعامل بكثير سحب دي ماريا ونقل أوزيل على الطرف وإقحام مودريتش كـ صانع , مُشكلة في مورينهو كبيرة و الإستمرار على الوضع السيّء وأخطاء مُستمرّه وقت الخساره مهوب قادر يتعامل معها .. كل العناصر الهجوميّة وتنتظر منها هدف تعادل هذا مهُوب منطق أبد ..
تواجد كاكا كان ضروري بشكل كبير جدّاً , سحب هيقوين وإقحام كاكا إيجابي جدّاً وتلعب بـ راس حربه ثنين , كثّف الوسط وتعامل مع الأمر بطريقة بسيطة وسهلة .. مورينهو ينضغط الفريق يختبص الوضع يتغيّر الفرق " يُفرز " أشياء حمضيّة كبيره تسبب حرقان لـ المُتابع .. يشوف وضعه قبل مُباراة الثلاثاء .. حمُوضه حمُوضه حمُوضه !
ذهنيّة اللاعبين فـ الحضيض .. محتاجين شغل أكبر لـ عودتنا على الطريق الصحيح .. والله يلعن رونالدو و تصريحه ..
| 