15/09/2012, 07:15 AM
|
 | مشرف منتدى الرياضة العربية والعالمية
رئيس رابطة تشيلسي | | تاريخ التسجيل: 23/02/2009
مشاركات: 2,075
| |
-
من يطرون تشلسي والكيو بي أر يروح بالك على طول للسالفه الي صارت بين تيري وأخو الصعيدي فيردناند ، مع إن مالهم موسم بالبريمر إلا إنهم مسوين قروشه وأحداثهم معنا على وجه الخصوص كثيره .. بداية ب المباراة الي إنطرد فيها ديديه وبوسينجوا ولعبنا ب 9 لاعبين ، ذيك المباراه مع إننا ناقصين لاعبين وبأرضهم إلا إننا كنا نستحق شي من المباراه (تعادل كأقل تقدير) وبنفس المباراه صارت الحادثه الي أبلشونا فيه وطولو القصه وهي قصيره ، مع إن الأمور راحت للمحكمه وإنتهت وقفلو عليها وبرئو الليدر منها إلا إن الإتحاد الخبيث يرجع وينبش بالقضيه والسبب !! بعدها قابلناهم ب الكارلنغ أو الكأس م يحضرني بس الزبده لزخناهم 2/1 .. ف إياب الدوري أخذنا حقنا وزود ومزمزنا عليهم ب سداسيه والأحلى منها إن النينو مهترك فيهم .. بعدها صارت المحاكمه ف المشكلة الحاصله بينهم وطلع الليدر برائه ، مباراة اليوم تعتبر أول مواجهه بين الفريقين بعد المحاكمه ، الكل مترقب وش الأكشن الي ب يصير ؟ والتركيز طبعاً راح ينصب على المصافحه قبل بداية المباراه .. زد على كذا المباراه ف أرضهم وجمهورهم من أبثر م خلق ربي .. م أقول إلا الله يعين الليدر على صراخهم طول ال 90 دقيقه .. حلاتها والله ي تيري وأنت ترتقي من فوق راس الجح وتلقمهم بهدفك الخمسيني وتحتفل قدام عيون جماهيرهم .. المهم م علينا
الكيو بي أر تطور أكثر من قبل (من ناحية الأسماء) .. مسألتهم مسألة تأقلم فقط لا غير وبيكون فريق عليه الكلام وبييثر أمنا ف البريمر .. هم إثنين إن قفلت عليهم شليت حركتهم جميع ، بارك وزامورا ، ذولا الإثنين يلعبون ب عقولهم مب مثل الجحلط المجمعه الي م غير يراكضون ولا يدرون وين ربي حاطهم .. إذا الستي الي هو الستي واجه صعوبه ويالله فاز عليهم 3/1 .. المباراة صعبه ب كل تأكيد خصوصاً إنها على أرضهم ، تشلسي خبري فيه من مباراة الأتليتكو مستوى حواق وبعدها إنقطعنا عنه .. عامل النفسي لزوم يكون مشتغل عليه الكوتش عشان نشوف إيجابيته ف مباراة اليوم .. الإستمراريه ف الفوز ولقط النقاط كامله والتربع على صدارة الترتيب بدون هزيمه مطلب ضروري .. مع إن الإصابات بدت تداهمنا بس إن شاء الله م يعوق معنا شي .. للأمانه منتظر الشي الكثير من الوافدين الجدد (مارين ، أوسكار ، موسيس ، أزبيليكويتا) .. أخص الإثنين أوسكار وموسيس .. تشلسي لازم يدخل المباراه بدون ضغوطات ويلعب على الرايق وبدون نرفزه ، هدف مبكر راح تعطي لنفسك الأولويه .. قفل خطوطك الدفاعيه وإلعب ع المرتدات لين الله يرزقك ب هدف ثاني وبعدها طقطق عليهم ، م فيه شي صعب .. نبغى الفل بوينت الليله بإذن الله
التشكيلة المتوقعه
تشيك
أشلي / تيري / لويز / إيفا
ميكيل
لامبارد / رامي
موسيس / هازارد / ستوريدج
توريس
2/1 لنا بإذن الله من أقدام لامبس - هازارد |
