أنا من الأشخاص اللي ما تهمّه المُنتخبات كثير, أتحلطم واجد لا صار أسبُوع فيفا .. مدري وش مكانه من الإعراب ردّي ذا ..



أحد أرقى وأشرس الثُّنائيات اللي لازم تتواجد بـ مثل هالمواضيع .. بتتكلّم عن ثُنائيّة ؟ ضروري يرجع بك الزمن لـ 2003 .. ثنائيّة ما حققت إنجازات عديدة لكن كوّنت كورة مُمتعة و أسلُوب ثاني .. كامستري عالي / دقّة / إمكانيّات / فنينش .. كلّها تتكوّن وتتمحور وتدور حول هالثنائي الفخم .. بداية بعد ما خلّص مدريد على تشامبيونز 2002 تحرّك بيريز ولقط رونالدو من الإنتر بعد ما إستلج بـ كأس العالم ولقط الهدّاف .. كان وقتها موريانتيس قدّم كل شيء يملكه لـ مدريد وجاب معه تشامبيونز ثنين وكفّى و وفّى .. بدا الكلام وإن بيريز يبي يلخبط السوق ويلخم العالم ويكوّن فريق أطلقوا عليه " قلاقتيكوس " ..
الفريق تميّز بأول فتره قبل لا يجي رونالدو وكانت إنجازاته عديدة محليّاً وقاريّاً .. مدريد يترنّح والثنين اللي فُوق يعطونك شخبطة بـ البشريّة .. الفريق بأسوء مستوياته ؟ مجبور تتابعة لعيون الضرس و زيدان .. الثنائيّة ماكانت توقف على باص وخلّص فـ الباب .. ريـال مدريد جمع أفضل لاعب وسط وقتها .. وأفضل مُهاجم وهدّاف كأس العالم برضو .. إنت كذا عطيتني كل شيء مُمتع باقي كيف تضبّط رونالدو وزيدان , هالنّوعيات لخمت العالم .. ما إحتاجت مدّة لـ التأقلم الا ومكونين ثنائيّة قليلة حيا ..
هنا رونالدو و زيدان بالمُختصر أحد أبرز هالثنائيّات .. مُباراة ريـال مدريد و فالنسيا عام 2003 .. زيدان يمشي ينزل بالكورة لـ نص الملعب .. عينه لقدّام , ينتظر .. رونالدو ينزل ورى اللاعبين وهوبّا أكل الحارس وهدف .. المستفاد من هالأسيست نوعيّة هاللاعبين .. أرضيّة غرقانه ؟ ما تفرق الباص يوصلك وتوقّف لـ عندك وسجّل " بالملّي هيّا " .. هالباص التعجيزي تكرّر أكثر من مرّه .. أبزرها زيدان يمشي 10 أمتار من نص ملعب بيتس .. يرفع راسه / رونالدو يركض .. باص يضرب الدفاع ورونالدو ياكل الحارس ويجيب الثاني لـ مدريد "Ronaldo " .. ما ننسى أسيست زيدان لـ رونالدو ضد الديبور 2003 .. زيزو يستلم الكورة من روبيرتو كارلوس .. يرفع راسه يدوّر الضرس .. الضرس متأخر وباص بالمشط وحطّها الضرس "هنااا "



مثل هالمُهاجمين ثنائيته ما توقف مع لاعب واحد .. ديل بوسكي بدا يعطي قوتي فُرصته ويبدأ يشارك أساسي مع الفريق بعد الكوكبة اللي ضمّها بيريز لـ الفريق .. قوتي من أميز اللاعبين فـ مسألة الباص وما أبالغ .. مافيه إمكانيّات كبيره من ناحية المهارة .. أقل بكثير من افضل الصناع بالعالم .. لكن فـ هالفتره قوتي لقى نفسه مع ديل بوسكي ولقى نفسه ورى أفضل مهاجمين بالعالم مُمكن يساعدونك تلعب الباص بأسهل طريقة وأريحيّه فـ لعبتك له .. قوتي أبزر مُبارياته كانت ضد مانشستر يونايتيد .. بـ ربع نهائي التشامبيونز عام 20/03 مدريد يشخبط اليونايتيد بـ الذهاب 3-1 .. بالإياب قوتي ينزل .. ويستلم باص من زيدان الدقيقة 11 تقريباً وأحلى اسيست لـ الضرس الأولد ترافورد لحظة إغماء الثانية 30
.. عام 2005 تقابل مدريد وفالنسيا بـ الدوري وتحديداً بـ المستايا مدريد خسران بأوّل نص ساعة 1-0 و توصل الكورة لـ قوتي .. يستلم كورة فـ وضعية مهيب مهيّأه لـ الباص أبد يمشّي الكورة بطريقة لاخمه لـ رونالدو الواقف في ظهر أيالا وبرضو ياكل الحارس ويمشي.. كانيزارس هههههههههههههههههههههه .. وأسيست قوتي ضد بلد الوليد " هناا " ..

الفريق هالفتره كان باهت .. مافيه إنجازات كوّنها الفريق بهالمجموعة لكن كان فيه أشياء مُمتعة كمّلت لنا ولخّصت لنا مقولة " البسيط السهل " .. اللي نشوفه الآن بالعالم مافيه مثل هالنوعيّة اللي تكوّن ثنائية وتطربك وتكوّن فريق لحاله فـ الملعب .. أيّام جميلة لحد الآن و رُغم العناصر المتواجده فـ ريـال مدريد حاليّاً .. هالسكواد كان له طريقته اللي يمتعك فيها .. غير شكل وغير فكر .. عمُوماً ما أعطيت لـ العناصر اللي فوق حقّها من الكلام والعبارات .. تكلمت عن اكثر ثنائي شدني فـ متابعتي البسيطة لـ الكرة ..