إقتباس الرسالة الأصلية كتبت بواسطة شوق الكويت السلام عليكم ورحمة الله وبركاته , موضوعك جميل وبوقته خاصه وان وايد زادت اخبار الوفيات بالايام الاخيره ! في نهار العيد وبعد الصلاة واحنا متجهزين نعايد على يدتي وامي وحبيبتي .. لكن سبحان الله ماحصل اول ماخلصت صلاة العيد فارقت روحها الطيبه الطاهره الحياة انقلب عيدنا الى مأساة اول مره بحياتي يمر علي العيد بهذا الشكل الكئيب .. كانت تحب جمعتنا وخاصه بأول يوم عيد وسبحان الله تجمعنا عندها وفي بيتها لكن مو للعيد لاستقبال التعازي .. دخلنا ولقينا كل شي مجهز للعيد العيادي والحلويات لكن سبحان الله ماكانت تدري انها مابتلحق .! لما تفارق ناس غاليه .. الشي الوحيد اللي تفكر فيه انك تتعب لآخرتك علشان تقابلهم لان الحياة بدونهم مالها طعم .. اسأل الله العظيم ان يرحمها ويغفرلها ويحسن اليها ويوسع قبرها وينور لها فيه شكرا ماجد

وعليكم السلام ورحمة الله وبركاته ,,

أهلن شوق وشحالك ..

والله يرحم جدتك ويغفر لها ويسكنها فسيح جناته
وعظم الله اجركم واحسن لكم العزاء واجزل لكم المثوبة

وسبحان الله مابين طرفة عين وانتباهتها .. يغير الله من حال الى حال ..
شكرا لك خيتي هذا الحضور والمشاركة وشكرا لانك طمنتيني عليك
وفقك الله دائماً .