السلام عليكم ..

مبروك الفوز اليوم على النصر [ كالعادة ] وان شاء الله تكون هالمبارة بداية الانطلاقة الناجحه في باقي الموسم .

الكل استغرب اليوم ليش ياسر كان بالاحتياط و الكوري طول المباراة موجود وما يقدم شي ؟ !

السبب يا شباب واضح .. كومبواريه مدرب داهية وعدم مشاركة ياسر من صالح الفريق .. تقولي كيف ؟

ورانا مباراة آسيوية مهمة والمدرب حاب يجهز ياسر للمباراة بشكل ممتاز فعدم مشاركته اليوم هو من صالح الفريق وصالح ياسر نفسه ، تخيل ياسر لعب اليوم وأُصيب وش بنسوي بآسيا ؟ نلعب بالكوري ؟

انا متأكد ان الكوري راح يكون خارج حساباتنا في فترة الانتقالات القادمه .

من ناحية اخرى ويسلي لوبيز راح يكون هداف الدوري هالموسم ان شاء الله لو استمر بهالمستوى ولقى من يدعمه في الخلف بصناعه الهجمات .. خصوصاً لو كان بجانب ياسر القحطاني للانسجام والخبرة الكبيرة بينهم .

ويسلي لوبيز اول مباراة رسمية له دخل اخر 20 دقيقة قدم فيها مستوى جيد ولم يسجل هدف ولا يلام ، ثاني مباراة مع نجران سجل الهاترك ، والمباراة الثالثة الرسمية له سجل هدف ، واليوم هدفين ، اذا هذي بدايته وش بيصير في المستقبل ؟ !

لوبيز أفضل اجنبي متواجد حالياً ..

الشهراني اتمنى اشوفه دائما في القائمة الاساسية ، لاعب مبدع ويلعب بروح ومن أجل الشعار ، ذكرنا بأيام قريتس ، سرعه فن ابداع تسديدات تمريرات عرضيات مرور مراوغه .... الشهراني يستحق الدعم بعد هالمباراة وياخوفي يرجع لناديه السابق الموسم القادم .

اخيراً انا مستغرب ليش ما نشوف عبد الرحمن بن مساعد في المدرجات هالموسم ؟
كافينا غياب سامي والحين ما نشوف رأيسنا