إقتباس الرسالة الأصلية كتبت بواسطة (اسير& المحبة ) كل عام وانت بخير طروق وجميع اعضاء المجلس مع انها متاخره اشوي لكن زحلقها عشاني بالنسبه للموضوع انا تابعت جميع المسلسلات اللي قلتها الرساله علمني اشياء كثيره عن بدايه الدين الاسلامي وكيف كانت حياتهم صعبه وتحدوها عشان يرفعون اسم الدين عالي وعمر المختار اه وش بكيت من قلب على اعدامه والقلب الشجاع يعلم الشخص معنا الوطنيه والاعتزاز بارضك اكثر من الكتب وتوم هانكس يعلم الاصرار على شي والتحديات حتى لو مالك دخل في كل الحالات من مخاطر وغيرها وفيه افلام كثير تعلم الواحد اشياء ممكن مايحتاجها الا بعدين يحس انه استفاد من الافلام معلومات او افكار او حتى درس يستفيد منه بالنسبه لمسلسل عمر للاسف ناس كثير تحكم مع الخيل ياشقراء لكن تساله ليش حرمته يقول الشيخ الفلاني قال طيب اقنعني او اقنع نفسك ليش الشيخ حرمه يقول ماادري اصبح البعض يردد بدون مايشغل مخه واللي ممكن يكون عنده جواب يقول حرام تمثيل الصحابه , صحيح حرام تمثيل الصحابه لكن هذا تاريخ امه تاريخ دين لازم احنا نعرف تاريخنا اش كان ونعرف الرسول عليه الصلاه والسلام والصحابه كيف رفعوا هذا الدين بعد توفيق الله وكيف تعبوا فيه وكيف كانت قوتهم مع غير المسلمين وفخرهم بدينهم والمفروض هذا يزيد من عزتنا وفخرنا باسلامنا بدل متابعه المسلسلات التركيه او الغربيه اللي ماتفيدنا في ديننا شي والافلام او المسلسلات تكون الصوره واضحه اكثر من الكتب لان الاحداث تشدك تتابع عكس الكتب اللي ممكن تمل منها خاصه ان امه اقراء للاسف ماتقراء كثير, وبالنسبه لحرمه تمثيل الصحابه احنا عارفين ان الممثلين هذا مايساوون شئ للصحابه ومتقينين فيه لكن اذا بينفعنا فان شاء الله مانكون اثمين فيه او علينا خطا والاسلام دين سمح لكن بعض الناس يبالغ في رده فعله ويحسسك انه ينزل له الوحي ويجتهد بشكل خاطئ وممكن يكون خاطئ ويكسب اثمه واثم غيره. اتمنى مااكون طولت في الرد وان شاء الله مااخطيت في طرح الفكره ولك تحيه من القلب .

حياك الله يا أسير

وكل عام وانت بخير في كل وقت

أتفهم ما تفضلت به يا غالي .. وكما تفضلت من شاهد المسلسل هو بحث عن الحدث ولم يبحث عن الملامح الشخصية .. ولن يضع سيدنا عمر رضي الله عنه في مقارنة مع من يجسد شخصيته ،،،

وكما تفضلت أيضاً العمل التلفزيوني او السينمائي قادر ان يصدم المشاهد ويكسب تعاطفه او نفوره حيال البطل وتجسيد البيئة المحيطة للحدث ،،،

ما تفضلت به يوافق قناعتي .. ومشهد سيدنا عمر بن الخطاب رضي الله عنه حين استشهاده في المسلسل كان له بالغ الأثر مما قرات او سمعت .. وتبقى وجهة نظر .. ان وفقنا فالحمد لله .. وان خاننا التقدير فنسأل الله ان يعفو عنا ،،،

هذا الموضوع موضوعك .. كما هو الحال لجميع الأحبة .. لذلك ارحب بتواجدك يا غالي

يعطيك العافية ،،،