- مابح .. من الأشياء الفخم تواجدك بيننا وفخر حقيقة .. شخص بهالكم من الملعومات والفكر العالي وترسانة المعلومات اللي تختزنها ! والآن نكتسبها شي تُشكر عليه الحقيقة .. حسيت نفسي اتابع بريمرشيب ولا ليق 1 .. ابد ابد اللي مكتوب من هالتقديم ما كنت اعرف منه ولا شيء ! عنيف يا بريمر عنيف .. هالتقديم يحتاج بروزه عند باب العالمية .. لا جا واحد ودة يعرف وش هو الدوري الانجليزي دبّسه بجبهته .. الله يعطيك ألف عافية على هالكم المُختزل من المعلومات فالتقديم .. بعيد عن الزخارف والخربطة ..شكر موصول لـ كل ضيوفك قرينا كل فقره ماكان ينقصها بهالظهر إلاّ بيالة الشاهي ..



قبل يبدأ الموسم وقبل نبلّش بالليفر .. اطلق سلام للعتر اللي فوق .. فقرة * ري كوستا توفي بالغرض , تلخّص لك عظمة الويلزي .. كل عام وانت بخير ونشوفكم بريمر ياكبير .. للحين من لخم عن كيفيّة طلعته وكيف طلع من النادي .. وما انلخمت اكثر الا يوم عرفت سالفته .. وقتها هنا جت علامات تعجّب فوق الراس .. عظيم يا كاريغ !!



سالخير يا حبّي سالخير .. بداية عند نقطة كيني وقضينا منها سواء كانت بأخطاء أو بنجاحات .. كل مُدرب وله فكرة ومنهجيته وكيف يبي يبدأ موسمه ويعرف العوامل اللي بتساعده على نجاحه .. وهذا شيء بديهي ويعرفه الجميع .. لكن اختلاف بسيط مُمتد مع ليفربول خلال السنين العجاف اللي مر فيها وهو بين تخبطات مستمره من رافا بالسنوات الاخيره الى روي الى كيني .. نوصل ل المفُكّر اللي فوق .. وبعد ما قريت عنه وبعد ماكنت من أكثر الاشخاص مُحاربه له .. وكان تواجد رافا مطلب اساسي لـ إصلاح ما خلفه وجنا علينا أشباه المُدربين.. درس ونُقطة مهمّه الآن نبتعد عن الحُكم المُبكر للمُدرب والكلام بيكون بعيد عن ( الترفيع ) اللي ذبحنا ..
نبدأ بمسألة بسيطة لاحظناها جميعاً والكُل يبي هالشيء من مُدرب فالبداية يصارح جمهوره ويعطيهم فكرة بسيطه عن الشغل اللي راح يسويه المدرب .. طبعاً مرينا بهالمرحلة مع كل المُدربين ونشوف إن مافيه مُدرب طلع بمؤتمر وقال والله انا فكرتي أسوّي ( كذا وكذا وكذا ) .. يكفي إن المُدرب إبتعد عن إنّه يصرح ويقول محتاج لاعبين ( سوبر ) بالعكس كان بسيط جدّاً وكان يشرح طريقة بسيطه للإدارة واللاعبين .. وإن سياستي مُعتمده على نوعيّة معينه من اللاعبين يساعدوني على إنجاح هالرّتم اللي بأمشي عليه .. كونك تغامر بهالشيء مع نادي مُحتاج للوصول للمركز الرابع فـ هذا تهوّر أيضاً .. لكن الاختلاف الان بينه وبين المدربين إنه وضع خطة من أول ما وصل للنادي 433 وطالب بالادوات اللي تخدمه وتكلم مع اللاعبين .. واللي يمشون بعنجهيّه ولا يخدموني " الباب أقرب " ..
تقريباً أدوات " روجرز " الآن شبه مُكتملة مع إتمام صفقة ديمبسي .. وراح يكون كل لاعب مُفصّل له المركز .. أول 5 جولات مع شغل برندان رح تكُون صعبه جدّاً .. وهي تعتمد بشكل أكبر على ( الإنسجام ) قبل كل شيء .. بدري بدري جدّاً مسألة إلتحامنا الان بالفرق القويّه .. الفريق محتاج يااخذ على بعضه أكثر .. وإعطاء ثقه أكبر لـ روجرز ونفس أطول ..
عن نفسي في ارتياح تام من اللي قريته عن روجرز .. وعن مُخططاته والتكتيك اللي راح يمشي عليه .. اقلّها تكون مرتاح وعارف شغل المُدرب .. و واضح مع الجمهور أكثر من أي مُدرب سابق .. صفقتين نخلّصها وبعدها الأدوات بتكون كامله لـ الإنجنير .. نوري / ديمبسي ..



كل واحد تكلم عن هالانتقال وعطاه حقّه من مخمّسات وطريقته الوصخه اللي طلع بها .. بس أحد يعرف مراحل ( المخمّس ) وفي رواية إخرى " الكف " ؟ طبعاً المخمس يفوق الكف بــ مراحل كبيره .. بعضها ضررها على جلد " الخد " بس .. لكن اللي صار هنا إرتفع لـ الإذن ! وقت مايجيك مخمّس يشمل ( الخد / الإذن ) ببساطة هذا من اللعن الكفوف المتواجده الآن من بين الصفقات ! .. مافيه شيء أقذر من اللي صار الآن .. بس معليه خلّه يقعد عند البلف .. نبي نشوف موسم فيه أكشن أكثر .. ( سواريز ) وجمهور المان .. ( روبن ) وجمهور أرسنال .. ( توريس ) وجمهور الليفر .. الدنيا مولّعه يارقاله ..

- يا مال العافية مُجدّداً لـ الشخص العظيم اللي كان ورى هالتقديم ومن كانوا معه مُستضافين