يعطيكم العافيه على النقل اللي ابي اعرفه واللي يعد زاوية كواليس وش يحس فيه اليوم ماخلى احد ما همز ولمز فيه حتى الهلال نفسه ماسلم والمشكله يجيك ايام يمدح ويثني على الفرق تقول مايحتاج مثقف
انا هــلالي شربني كاس الهلال ابوي وادمنته
واللي ضيع الهلال بعض اعلامييه لين وصلنا بالحظيظ يا آسيا عقب ماكنا اسيادك ياتعبانه
كل من هب ودب صار يكتب ويطرح باسم الهلال على كيفه سلامات الهلال ماهوب تركه لكم
عشان تدغدغون الجمهور بزاوية كواليس ورسمات رشيد الساخره اللي ماجنى الهلال منها آسيا
حتى الصور والفلاشات للاعبين اللي يغص المنتدى بها هو عود بحزمه لين اللاعب صار يستعد
للصوره قبل الكوره اول مره اتجرء واتكلم وانتقد ماتقوم به الصفحه الرياضيه بجريدة الجزيره
خلو الانديه الثانيه بحاله لاتمدحونها ولا تعيبون فيها ناضروا وش بخواطرنا كجمهور
هذا اللي بخاطري بقوله واذا وقفوا المنتدى عضويتي مسموحين
بقولهم موقف يومها 12 عمري وناجاي من الصاله بدخل غرفة الجلوس الا الوالده ترقص بشيلتها
واشوف الاعادة الا هدف ابو يعقوب في بيروزي سقى الله ذاك الهلال فشكك بانتمائي للهلال ماشئت |