الهلال الكيان .... وليس الهلال ياسر

ملينا من كثرة المواضيع اللي متحيزه للاعب واحد فقط وكأن الزعيم ما تأسس إلا على يد ياسر

ياعزيزي ابو وليد .... انا وانت وغيرنا ميلونا الهلال وننتمي لزعيم

مشكلتنا إذا انتقدنا ياسر يجون صغار المشجعين واللي ابصم بالعشره انهم كانوا ينتمون لفرق ثانيه
مثل النصر والاتحاد وغيرها من الانديه ولما سطع نور ياسر وانتقل للهلال وكان بقمة مستواه جميعهم حولوا لتشجيع الهلال

والادهى والامر انهم لما تنتقد ياسر لمصلحة الزعيم ( الكيان )

يستفتح برد عليك ويقول انت مندس .!!!!!!!!!!!

والله عيب

يعلم الله اني اشجع الهلال من تقريب 20 سنه ولا ابالغ فيها ولا اكابر

( وابنائي الان هلاليين بالفطره ) لذا ياعزيزي ابو وليد لا ياسر ولا غيره يستحق انه ياخذ مجد الزعيم

الزعيم مر عليه نجوم بدري على المملكه العربيه السعوديه انها تنجب مثلهم مره ثانيه

كفانا تمجيد في ياسر ,,,, وكفانا تطبيل

ياسر قدم مستوى نقوله احسنت ... واخطأ نقوله اسأت

بدون لانجعله هو الاعب الوحيد اللي يحمل على صدره شعار الهلال

اتمنى اني ماثقلت على عشاق الزعيم ( الكيان )

اما عشاق ياسر ان كانوا زعلانين من كلامي فـ والله لايردهم إلا اكبر ماعندهم

الزعيم الكيااااااااااااان فقط فقط فقط