نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - كنت أملك ألعاب الفيديو (صور خاصة للعضو Alfayhaa Sport)

alfayhaa Sport · #1 09/08/2012, 12:36 AM

سلام الله عليكم ياجمهور الزعيم

وتقبل الله صيامكم وقيامكم

كنت فى البداية أملك كمبيوتر العائلة قبل 14 عاماً .. ألعاب العائلة كانت فيها أساطير ، وذلك مثل سوبر ماريو والسلاحف النينجا والكابتن ماجد "تسوباسا" النسخة العربية ، والمشكلة كانت لدينا محول محروق وقمت بشرائه بعشرة ريال ، والكمبيوتر العائلة بحاجة إلى يد التحكم وسلك التلفزيون والمحول وأشرطة الألعاب - ماكان شى اسمه تخزين اللعبة - ، وبعد فترة أشتريت السيغا فى فترة التسعينيات ولعبت لعبة صانيك ورامبو 3 وكرة القدم ومطاردة السيارات ..

وإذا انعدمت كمبيوتر السيجا والعائلة ، أشترى مرة ثانية

وفلها ..

صور خاصة للعضو Alfayhaa Sport

ثم بعد ذلك ، أشتريت كمبيوتر سونى 1 ..

وتذكرون شريط المجانى بجانب سونى 1 ، اللى هى شريط Demo وهى تتكون من 10 ألعاب تقريباً فجميعها تلعب لمرحلة واحدة .. وبعد شراء سونى 1 يعطيك البائع شريط السيارات ... علشان تفلها ، وأول مرة فى حياتى أسمع كلمة
Memory Card .. آه يازمن

اللى هى التخزين .. كانت صناعة صينية ممتازة فى ذلك الوقت

الزبدة لما صارت مشكلة بالنسبة لسونى 1 ، اوه تذكرت

.. مشكلة الليزر .. لازم تروح عند الهندى علشان يجيب لك ليزر جديد وسعره غالى شوى

الزبدة العائلة والسيجا تمتاز بالرسوم

وتشويق المراحل .. وسونى 1 حلوة ولكن تلقى اى شخص على شكل مربعات ، كأنها لعبة موب واقعى ..

ولكن فى مراحل اللعبة أو مباريات الدورى اليابانى والمعروف بلعبة ويننج اليفن ، Winning Eleevin 3 ، ماتقدر تخزن إلا بالكرت الذاكرة ، مثلا .. وصلت للمباراة نص النهائى وماعندك تخزين ، لازم تشترى التخزين ، على عكس للألعاب العائلة والسيجا اللى تحتاج لكتابة كلمة السر علشان تكمل اللعبة ..

المهم وبعد ذلك اشتريت سونى 2 .. اللى هى نفسها سونى 1 من ناحية التجهيزات

ولكنها مطورة من ناحية الجرافيكس والمشكلة ، انها مغبرة فى بعض اشرطة الألعاب

...

عموما .. حياتى لا تنتهى مع ألعاب الفيديو .. والسنين السنين القادمة اشوف سونى 4 لين أشيب .. ومعى سونى 10 إن بقيت حيا ..

وشكرا لكم لقراءة الموضوع

ولعلمك الصور والأجهزة القديمة مازالت معى ولله الحمد .