السلام عليكم ورحمة الله وبركاته
الحمدلله علىى كل حال . هاردلك للجميع وان شاء الله القادم افضل ..
ابي الخص حال الهلال ولاعبينه والمدرب . واهم شي الادارة .
النقطه الاولى . الادارة . اخطاءت ؟؟!!
نعم اخطاءات بااشياء كثيره .
اولا الهلال صار يجد صعوبة في مفاوضة الاعبين المحليين الذي للهلال الفضل في بروزهم . وكانه نادي من اندية الوسط . فقدت هيبة الزعيم . واقرب مثل اسامه هوساوي . والمثل الكبير الفريدي والقادم اكبر.
مفاوضة الاعبين الاجانب معقولة بطل و زعيم اسياء يجد صعوبة في ايجاد لاعبين . وفريق كله عواجيز وبدون ادارة ومديون يجلب افضل لاعبين الدوري البرازيلي .
لازم نجيب لاعب يكون هداف دوري اوربي عشان ينجح معنا؟؟ او مدافع ذكرت الصحافه ان نادي ويستهام فاوضه كدعايه لرفع سعره .؟؟ حتى ولو جو بيلعبون بدون روح وبتثاقل .همه الاول والاخير .المادة فقط .
*يحيى المسلم . سنة بيتمرن . والسنه الجايه بيروح اعاره . هذا الفكر الاحترافي . مثل فواز فلاتة . ومثل الاعب العنزي. ومثل سلمان المؤشر الي الى الان ماادري كيف فرطو فيه؟؟؟!!
وانتظرو شافي مع الاتحاد . بيبدع وتذكرو كلامي
محور دفاعي لايوجد لايوجد ؟؟ هل يعقل !!!
عادل هرماش هجومي . دفاعي 0% . كرة تفتك من الوسط . بدون ساتر تقابل الدفاع ؟
هل يعقل لايوجد لاعب يجيد التسديد في الزعيم ؟؟ لفك اختناقات الدفاع المتكتل ؟؟ او لاعب طرف كويلهامسون؟؟
الله يذكرك بالخير يانيفيز ويا رادوي .
هدف المقاتل الروماني رادوي على الفتح - ALHilal 1-0 AlFateh Goal Radoi - YouTube هدف تياقو نيفيز الهدف الاول الهلال والفتح - YouTube
هذا هدفين للهلال على الفتح وهو متكتل دفاعيا من طيبين الذكر .. وكانت النتيجة 0/0
النقطه الثانيه. اللاعبين
اللاعبين فقدو الهيبة الاداريه صراحه . ليتك ترجع يابو عبدالله . ياروح الهلال . ماانسى دموعك وحرقتك ع الزعيم . ليت الاعبين الهلال يملكون نص روحك . استهتار واستعراض .. انا ماعجبني في المباراة كاملة الا لاعبين .. سلمان الفرج و ياسر الشهراني ..
المرشدي كشخص ونعم . لكن كلاعب . اسمحلي ممكن تلعب احتياط للاحتياط .
النقطة الاخيرة . المدرب
المدرب . اذا كلام الامير عبدالرحمن انه يبي مدرب ال cv تبعه قوي . اظن كومباريه بدون سيرة تذكر . عاد بطولة وحده . والله تمنيت سامي ومدرب الاولمبي هم الي يدربو الهلال . قدمو لنا هلال عجيب في ظرف ايام . بعد اقالة بنادول . . ليه مايعطى سامي فرصه . وانا كلي ثقه فيه .
نقطة اخيرة .. الكبتنية . لاتعطى الا لمن يملك روح الزعيم . سواء لاعب جديد او قديم .
في الوقت الحالي اشوف . من يستحقها . ويلعب بروح . سلمـــان الفرج . تعجبني روحه واصراره .
امل ان موضوعي وضع النقاط ع الحروف .
اقبل النقد لكل ماكتبت
لكم تحياتي وتقديري
