تخيلوا معاي إننا بعام 2020
يكون سامي إعتزل ونواف والشلهوب والدعيع بعد إعتزلوا وتغير طقم لعيبة الهلال وإدارييه
وجابو برنامج عن تاريخ الرياضه بالسعوديه ومقابله مع سامي وهو مشيب ;) ومعاه الشلهوب
وسألوه عن مشاركاتك مع المنتخب بكاس العالم
سامي بيقول لعبت ثلاث كؤؤوس عالم وحرمني من كاس العالم الرابعه سنة 2006 حكم تافه إسمه المطلق !!!!!!!!!!!
إذا ما تشجعون للبلد وتقولون ما يهمنا إلا لعيبة الهلال وراح نقاطع المنتخب والسبب الهلال وظلم االهلال فأنتم تقصرون بحق لعيبة الهلال الي بالمنتخب !!!!!!!!!!!!!!!!!!!!!
وبعدين بصراحه تعودنا على ظلم الحكام والحمد لله الي جت على ثلاث نقاط ونحمد الله على سلامة أبو عبدالعزيز
بس العقل يقول ما لازم نقصر مع لعيبة المنتخب لأي سبب وتذكرو إن المطلق والبلوي ما لهم دخل بالمنتخب !!!!!!!
صح إنهم ضربونا تحت الحزام
وصح إنها سلبت مننا النتيجه بأساليب ملتويه
وبمباركت حكم المباراة لكن وش ذنب لعيبة المنتخب لما ما يلقون من يشجعهم ويآزرهم ؟
وش ذنب الذيب ومردونا العرب لما يلتفتون للمدرجات ويلاقونها فاضيه بدال ما تكونون موجودين وتهتفون بإسمائهم وتشجعونهم وتشدون بأزرهم
إش ذنب كل لاعب من لاعبي المنتخب الغير إتهاديين ؟
إيش ذنب لعيبة الإتحاد الي بالمنتخب (غير مناف طبعا) مثل مبروك زايد ؟
الصراحه المفروض نكبر عقولنا ولا نخلي زعلنا يعمي عيونا ;)
حنا جمهور الهلال الي إشتهرنا بالوعي والرقي والكل يستشهد فينا
حتى رجالات النصر الي ياما حاربونا إستشهدوا بمثاليتنا الي ما يقدر يوصلها غير جماهير هلالنا وبس !!!!!!!!!!!!!!!!
إنشاء الله ما تخيبون رجانا فيكم وتملون الملعب لعيون مقابلة سامي والشلهوب بالتلفزيون سنة 2020
