قصة يرويها الرواة وهي :

كان ابا الحصين (الثعلب) ساكن في غابه , وكل مساء
يسيّر على قرية قريبه لصيد (الدجاج) , وكان النمر يلبد
له (يختبيء) على طرف الغابه , وإذا مر ابا الحصين اعطاه
كف وقال له : جب لي معك تفاحه , وبعد ما يرجع يعطي
النمر التفاحه , ويعطيه النمر كف !! قال ابا الحصين : ليه
الكف وانا جبت لك تفاحه ؟ يرد النمر ليش تجيب خضرا
ما جبت حمرا ؟!!
زعل ابا الحصين وراح اشتكى النمر على الأسد , نادى
على النمر وقال له : لا عاد تتعرض لأبا الحصين , قال
النمر ان شاء الله ..
وفي اليوم التالي قال ابا الحصين للنمر تبي شي ؟ قال ايه
تفاحه .. قال ابا الحصين : حمرا والا خضرا ؟ قال حمرا
ولما رجع واعطاه التفاحه اللي طلبها : لفخه كف !!!!!
قال مب الأسد قال لك ما فيه كفوف وانا جبت لك اللون
اللي انت طلبت ؟ قال صحيح , بس وراك ما لبست طاقيه ؟

الزبده ان البعض هنا في هذا الموضوع همهم مهاجمة
ادارة الهلال (الكف) ولا يهمهم هل بذلت كامل جهدها ام
لا , لأن هدفهم هو مهاجمتها والإساءة للهلال .. بمعنى
ان التجريح (الكف) جاي جاي