| حبيب قلبي فيه ناس وانا ماقلت انت يعني اقول فيه ناس يركزون على مواضيع
المندسين كثير ويتكبون عنها لدليل واحد فقط لتبرئته بانه مندس وهو اكبر مندس
انا ماقصدك ابدا لكن فيه ناس كثير يعني يتكبون اربع خمس مواضيع اسبوعيا
عن المندسين لكي ماحد يشك فيهم انهم مندسين طيب ثاني شي في بعض الردود
على الموضوع يقولون فيه اعضاء يكتبون مواضيع كثيرة انا احب اقولهم او لك بعد
ان الكثير مايدري وش يعني بمنتدى وش تقصد حبيبي هالمنتدى تقدر تنزل اي موضوع
عن النادي الهلالي وفي لعيبته فهو المنتدى الرسمي لكن مو بتنزل كل يوم خمس
مواضيع يعني في الاسبوع على الاقل ثلاث مواضيع ويقدر يكتب الي يبي وعن الاعب
الي يبي اجل لو مانكتب عن الاعبي وش نكتب عن نادي الهلال متى تاسس وكم
بطولاته يعني نكتب في هذي المواضيع مثلا انا تقهرني بعض الردود الي تقول لااحد
يتكلم عن الاعبين ولا سامي ولا الادارة اجل ليش فاتحين منتدى رسمي وفيه اخبار وزوار
وامه محمد علشان نشوف الانجازات حبيبي المنتدى يعني تكتب موضوع والي يوافقك او
يختلف معك فنكون احباب لاتجي تسوي انت الفاهم اجل بسس تكون اخبار رسميه ويقفل
فتح المواضيع للاعضاء وش رايكم كذا حلو صح ؟ والله انا اجزم 40% من الاعضاء
مايعرفون لا كيف تكتب الموضوع ولا متى تكتبه او كيف ترد وتتكلم ...الخ انا بنفسي
تكلمت بموضوع عن المندسين لكن موضوع واحد فقط ولن اكرره والحمد لله اتوقع اخذ
اعضاء كثير ومشاهدة جيدة من الزوار لكن مو كل عوض ينقز لنا مندس ومطبل ومادري
ايش والله ماصار هالكلام هو موضوع واحد او بالكثير موضوعين عن المندسين وخلاص
مو من كل هب ودب يكتب موضوع عن المندسين وفيه كذلك اعضاء مايختارون عنوان
مناسب لما في داخل الموضوع فمثلك اخوي تكتب احصائيات والله انا قبل مادخل
الموضوع قلت في نفسي اكيد هذا كاتب احصائيات عن المندسين واسمائهم وكذا يعني
كاشفهم الا طلع الموضوع مختلف 100% يعني مانبي على بلاطه تزوير او بالاصح
كذب ياليت يكون فيه انتقاء في اختيار العنوان المناسب للموضوع المناسب تبي اعضاء
وزوار يدخلون بس مو بالكذب فيه اكثر من اسلوب تقدر تدخل اكثر من 100 عضو
وزائر لموضوعك بدون كذب او ضحك فياليت الجميع ينتبه واتاسف في النهايه على
الاطاله اخاف يطلع اكثر من الي مكتوب في الموضوع لكن هذا في قلبي وحبيت اخرجه
هنا وماحب انا افتح مواضيع يعني لو تلاحظ افتح بالشهر مرة فقط وتقدر تشوف
الاحصائيات وافتح موضوع في الوقت المهم والمحرج والف شككر على الموضوع
ولاهنت ويعافيك ربي واتمنى قريت النصايح وشككرا .  | 